هــــه‌واڵ عــیراق
سه‌ركرده‌يگ له‌ فه‌تح: مه‌رجه‌يل سه‌در و سيستانى به‌خت عه‌بادى زياى كرد

سه‌ركرده‌يگ له‌ فه‌تح: مه‌رجه‌يل سه‌در و سيستانى به‌خت عه‌بادى زياى كرد


شه‌فه‌ق نيوز/ كه‌ريم ئه‌لنورى سه‌ركرده‌ى باڵا له‌ ريكخرياگ به‌در ك به‌شيگه‌ له‌ هاوپه‌يمانى فه‌تح وه‌ سه‌ركايه‌تى هادى عامرى، وت: ئه‌و مه‌رجه‌يله‌ ك ئايه‌توڵلا عه‌لى سيستانى و موقته‌دا سه‌در دايناگه‌ ئه‌را هه‌ڵوژاردن سه‌رۆك ئه‌نجومه‌ن وه‌زيره‌يل ئاينده‌، له‌ به‌خت عامرى كه‌مه‌و كردگه‌و به‌خت حه‌يده‌ر عه‌بادى سه‌رۆك ئه‌نجومه‌ن وه‌زيره‌يل زياى كردگه‌ ئه‌را ولايه‌ت دويه‌م.

 

ئه‌لنورى له‌ لێدوانيگ ئه‌را رووژنامه‌ى شه‌رقولئه‌وسه‌ت وت: ئه‌و مه‌رجه‌يله‌ ك مه‌رجه‌عيه‌ى باڵا دايانناگه‌ و ئه‌گه‌ر گرديانه‌و بكه‌يم وه‌ل چل مه‌رجه‌گه‌ى سه‌در ئه‌را ئه‌و كه‌سه‌ ك پۆست سه‌رۆك وه‌زيره‌يل وه‌رئه‌گرێد، ئه‌تويه‌نم بويشم به‌خته‌يل عامرى كه‌مه‌و كردگه‌، وه‌لێ له‌ به‌خت عه‌بادى زياى كردگه‌ وه‌ چه‌واشه‌ى ئه‌وه‌گ له‌ ره‌سانن باس ئه‌كريه‌ێد.

 

جى باسه‌، ئه‌لنورى هه‌ميش وت: گوزاره‌ى يه‌كلاييكردنه‌وه‌و هيز و ئازايه‌تى ئه‌گه‌ر وه‌ دانايى نه‌دێ، شايه‌ت ئالشت بدێ ئه‌را زاڵبوين و ديكتاتۆريه‌ت، وه‌لێ دانايى وه‌ل هيز و ئازايه‌تى شايه‌ت سه‌رۆك وه‌زيره‌يليگ له‌لى بكه‌فێده‌و تواناى روێ وه‌ڕوێ بوينه‌وه‌ى كيشه‌يل وڵاته‌گه‌ بدێده‌و و عه‌بادييش نزيكه‌ له‌ى سفه‌ته‌و.