هــــه‌واڵ كــوردى
مه‌سرور بارزانى: عه‌بدولمهدى كه‌سيگ گونجياگه‌ ئه‌را سه‌رۆكايه‌تى وه‌زيره‌يل

مه‌سرور بارزانى: عه‌بدولمهدى كه‌سيگ گونجياگه‌ ئه‌را سه‌رۆكايه‌تى وه‌زيره‌يل


شه‌فه‌ق نيوز/ مه‌سرور بارزانى راوێژكار ئه‌نجومه‌ن ئاسايش هه‌رێم كوردستان، پيشوازى له‌ هادى عامرى سه‌رۆك ليست فه‌تح كرد و مه‌سه‌له‌ى روێداگه‌يل پرووسه‌ى سياسى عراقى و گامه‌يل دامه‌زرانن حكومه‌ت تازه‌ى عراقى وه‌ليا باسكرد و هه‌ردوگلايش جه‌خت له‌بان خواست پابه‌ندبوين وه‌ بنه‌مايه‌يل ده‌ستوور ريزگرتن له‌ ماف پيكهاته‌يل كردن.

 

عامرى له‌و ديداره‌ پيرووزبايى له‌ پارت ديموكرات كوردستان كرد وه‌ بوونه‌ى سه‌ركه‌فتن هه‌ڵوژاردنه‌يل په‌رله‌مان كوردستان و ئوميد ئه‌وه‌ خواست گاميگ كاريگه‌ر بدێ ئه‌را پيشكه‌فتن بارودوخه‌گه‌.

 

له‌باره‌ى هه‌وڵه‌يل دامه‌زرانن حكومه‌ت تازه‌ى عراقييش، بارزانى ئاماژه‌ وه‌ خواست بنه‌مايه‌يل هاوبه‌شى و هاوسه‌نگى و ته‌وافق كرد و داوايش له‌ عامرى كرد رۆڵ كارا داشتوود ئه‌را جيگيركردن ئى بنه‌مايه‌يله‌.

 

جى باسه‌، بارزانى جه‌خت له‌وه‌يش كرد ك عادل عه‌بدولمهدى راسپارياگ ئه‌را دامه‌زرانن حكومه‌ت تازه‌ى ناوه‌ندى كه‌سيگه‌ گونجياگ ئه‌را ئداره‌ى پۆست سه‌رۆك وه‌زيره‌يل عراق و ئوميد ئه‌وه‌يش خواست گشت هه‌وڵه‌يلێ وه‌كار بارێد له‌وه‌ر وه‌ديكردن چاره‌سه‌ر گورج و گونجياێ ئه‌را كيشه‌يل ناونى هه‌ولێر و به‌غدا له‌چوارچێوه‌ى ده‌ستوور.