هــــه‌واڵ كــوردى
ئه‌ڵمانيا هه‌ڵويست خوه‌ى له‌ هه‌ڵوژاردنه‌يل په‌رله‌مان ئه‌را بارزانى ده‌رخست

ئه‌ڵمانيا هه‌ڵويست خوه‌ى له‌ هه‌ڵوژاردنه‌يل په‌رله‌مان ئه‌را بارزانى ده‌رخست


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، له‌ هه‌وارگه‌ى سه‌ڵاحه‌دين پيشوازى له‌ باربارا ولف باڵيۆز تازه‌ى ئه‌ڵمانى له‌ هه‌ولێر كرد.

 

له‌و ديداره‌ باڵيۆ ئه‌ڵمانيا جه‌خت له‌ وه‌رده‌وامى وڵاته‌گه‌ى كرد له‌ مه‌شقداين و ده‌سميه‌ت هيزه‌يل پێشمه‌رگه‌و قه‌وڵ وه‌كارخستن گشت توانايگ دا وه‌خاتر پته‌وكردن په‌يوه‌نديه‌يل ناونى ئه‌ڵمانيا و هه‌رێم كوردستان.

 

له‌لايگ تره‌و له‌و ديداره‌ رووشنايى خريا بان بارودوخ عراق له‌شوون هه‌ڵوژاردنه‌يل و پرووسه‌ى دامه‌زرانن حكومه‌ت و باليۆز ئه‌ڵمانى له‌ هه‌ولێر باس له‌وه‌ كرد وڵاته‌گه‌ى پشتگيرى پرووسه‌ى ديموكراسى و سه‌روه‌رى ياسا ئه‌كا له‌ هه‌رێم وه‌ل ئه‌نجامداين هه‌ڵوژاردنه‌يل كوردستان له‌ واده‌ى دياريكرياێ خوه‌ى.

 

جى باسه‌، لاى خوه‌ييشه‌و بارزانى خوه‌شاڵى وه‌ باڵيۆز تازه‌ى ئه‌ڵمانيا ده‌رخست و پيرووزبايى له‌ باربارا ولف كرد وه‌بوونه‌ى وه‌رگرتن ئه‌ركه‌ تازه‌گه‌و ئاره‌زوو سه‌ركه‌فتن ئه‌راى خواست و سوپاسگوزارييش پيشكه‌ش كرده‌ ملله‌ت و حكومه‌ت ئه‌ڵمانيا له‌وه‌ر ده‌سميه‌تداين وه‌رده‌وام پێشمه‌رگه‌ له‌وه‌خت جه‌نگ دژ تيرۆريسته‌يل.