هــــه‌واڵ عــیراق
عراق ده‌روازه‌يگى وه‌ل كوه‌يت دوباره‌ وازكرد

 عراق ده‌روازه‌يگى وه‌ل كوه‌يت دوباره‌ وازكرد


شه‌فه‌ق نيوز/ ده‌سڵاته‌يل ئه‌منى عراقى، له‌نوو ده‌روازه‌ى مه‌رزێ سه‌فوان وه‌ل ده‌وڵه‌ت كوه‌يت وازكرد له‌ پاريزگاى به‌سره‌ له‌ باشوور وڵاته‌گه‌، ئه‌ويش دوياى به‌ساننى له‌لايه‌ن خوه‌ينيشانده‌ره‌يله‌و له‌وه‌ر ده‌رخستن ناڕه‌زايه‌تى له‌باره‌ى خزمه‌تگوزارى و گه‌ناته‌كارى و نه‌وين ده‌رفه‌ت كار.

 

له‌ى باوه‌ته‌و، مولازم محه‌مه‌د خه‌ڵه‌ف له‌ سوپاى عراقى له‌ فه‌رمانده‌يى به‌سره‌ وت: هيزه‌يل ئه‌منى تويه‌نستنه‌ خوه‌ينيشانده‌ره‌يل له‌ ده‌روازه‌ى مه‌رزێ سه‌فوان دويره‌و بخه‌ن و جاريگتر ده‌روازه‌گه‌ له‌وه‌رده‌م جموجويل گه‌شتكه‌ره‌يل و كاڵايه‌يل واز بكه‌ن.

 

جى باسه‌، خه‌ڵه‌ف ئاماژه‌ وه‌يه‌يش كرد ك داواكارى خوه‌ينيشانده‌ره‌يليش ته‌سليم وه‌ لايه‌نه‌يل وه‌رپرس ئه‌منى له‌و ده‌روازه‌ى مه‌رزيه‌ كرياگه‌.