هــــه‌واڵ عــیراق
شه‌نگاڵ پيشنياريگ وه‌ بوونه‌ى جه‌نگاوه‌ره‌يلێ پيشكه‌ش وه‌ به‌غدا كرد

شه‌نگاڵ پيشنياريگ وه‌ بوونه‌ى جه‌نگاوه‌ره‌يلێ پيشكه‌ش وه‌ به‌غدا كرد


شه‌فه‌ق نيوز/ مه‌حما خه‌ليل قايمقام شه‌نگاڵ، ئاشكراى وجوود پيشنياريگ كرد ئه‌را تيكه‌ڵكردن هيزه‌يل "يه‌به‌شه"ى ئێزيدى له‌ قه‌زاگه‌ له‌ناو رزه‌يل هيزه‌يل فه‌رمى ئاسايشى.

 

خه‌ليل ئه‌را شه‌فه‌ق نيوز وت: ئى پيشنياره‌ له‌لايه‌ن نوێنه‌ره‌يل ئه‌و هيزه‌يله‌و پيشكه‌ش كرياگه‌ ئه‌را عوسمان ئه‌لغانمى سه‌رۆك ئه‌ركان سوپا له‌وه‌خت سه‌ردانه‌گه‌ى ئه‌را شاره‌گه‌ له‌ماوه‌ى رووژه‌يل گوزه‌يشت.

 

جى باسه‌، زويتريش حه‌يده‌ر شه‌شۆ سه‌ركرده‌ى هيزه‌يل يه‌زيدخان له‌ قه‌زاگه‌ ئه‌را شه‌فه‌ق نيوز ئاشكراى كرد ك هيز يه‌به‌شه‌ له‌چوارچيوه‌ى رزه‌يل پارت كارگه‌ره‌يل كوردستان شماريه‌ن، وه‌لێ جوور باڵيگ وازهاوردگ په‌يوه‌سه‌ وه‌ حه‌شد شه‌عبى و شماره‌يان ها ناونى 500 تا 1000 جه‌نگاوه‌ر.