هــــه‌واڵ عــیراق
دادگا فه‌رمان له‌باره‌ى كانديدبوين ئه‌ندامه‌يل كومسيۆن ده‌ركرد

دادگا فه‌رمان له‌باره‌ى كانديدبوين ئه‌ندامه‌يل كومسيۆن ده‌ركرد


شه‌فه‌ق نيوز/ دادگاى باڵاى ناوه‌ندى فه‌رمانيگ ده‌ستوورى ده‌ركرد له‌باوه‌ت خوه‌ى كانديدكردن پله‌داره‌يل له‌ كومسيۆن باڵاى هه‌ڵوژاردنه‌يل ئه‌را هه‌ڵوژاردن و ئه‌ندامه‌يل ئه‌نجومه‌ن كومسياره‌يل له‌تى ئه‌را هه‌ڵوژاردنه‌يل گشتى ئه‌نجومه‌ن نوێنه‌ره‌يل.

 

له‌ى باوه‌ته‌و، ئه‌ياس ئه‌لساموك قسه‌كه‌ر فه‌رمى دادگاگه‌، وت: داواگاى ناوه‌ندى دانيشتنيگ وه‌ سه‌رۆكايه‌تى دادوه‌ر مه‌دحه‌ت ئه‌لمه‌حمود سه‌رۆكى و وه‌ئاماده‌بوين گشت ئه‌ندامه‌يلێ ساز كردگه‌و ته‌ماشاى شكايه‌ت ته‌عنكردن كرد له‌ ناده‌ستوريه‌ن ده‌ق ماده‌ى(3)له‌ ياساى راسه‌وكردن شماره‌(1) ساڵ 2018، وه‌رده‌وام ئه‌را ياساى هه‌ڵوژاردنه‌يل ئه‌نجومه‌ن نوێنه‌ره‌يل شماره‌ (45) ساڵ 2013.

 

جى باسه‌، ئى ماده‌ بڕگه‌ى هه‌فت ئه‌را ماده‌ى (8) زياى كرد له‌ياساى په‌يوه‌س وه‌ مه‌رجه‌يل كانديد ئه‌را هه‌ڵوژاردنه‌يل ئه‌نجومه‌ن نوێنه‌ره‌يل و ده‌قه‌گه‌ى ئه‌وه‌سه‌ كانديدبويه‌گه‌ بايه‌سه‌ له‌ كومسيۆن باڵاى سه‌روه‌خوه‌ى هه‌ڵوژاردنه‌يل نه‌ون و له‌وانه‌يش ئه‌ندام ئه‌نجومه‌ن كومسياره‌يل و خاوه‌ن پله‌يل باڵا، ته‌نيا ئه‌وانه‌ له‌ليان ده‌ربچێد ك كووتايى وه‌ خزمه‌تيان هاتگه‌ وه‌رجه‌ ماوه‌ى دوساڵ له‌ ريكه‌فتن خوه‌ى كانديدكردن.