هــــه‌واڵ كــوردى
بارزانى باس نه‌وين متمانه‌و راپرسى ئه‌را وه‌رپرسيگ بريتانى كرد

بارزانى باس نه‌وين متمانه‌و راپرسى ئه‌را وه‌رپرسيگ بريتانى كرد


شه‌فه‌ق نيوز/ مه‌سرور بارزانى راوێژكار ئه‌نجومه‌ن ئاسايش هه‌رێم كوردستان، ئاشكراى ئه‌وه‌ كرد ك ئمساڵ راپرسى ئه‌را ئاشكراكردن سه‌روه‌خوه‌يى له‌ كوردستان ئه‌نجام ئه‌گرێدو يه‌يش خسته‌ڕوى ك ئيسه‌ وه‌خته‌گه‌ گونجياگه‌ ئه‌را ئه‌وه‌گ هيز و لايه‌نه‌يل گووش بيه‌نه‌ داواكاريه‌يل مه‌ردمه‌گه‌يان.

 

بارزانى له‌ ديدارى وه‌ل توبياس ئيلود وه‌زير ده‌وڵه‌ت ئه‌را كاروبار خوه‌رهه‌ڵات ناوين و باكوور ئه‌فريقيا له‌ وزاره‌ت خارجيه‌ى بريتانى و شانده‌ ياوه‌ره‌گه‌ى ك(شه‌فه‌ق نيوز)ئاگادارى بوى، وت: گه‌وراترين كيشه‌يليگ له‌ عراق نه‌وين متمانه‌س.

 

جى باسه‌، بارزانى باس له‌وه‌يش كرد ك راوناين ريكخرياگ ترۆريستى داعش ده‌رفه‌ت گونجياگ ده‌سه‌وه‌ر ئه‌كا ئه‌را ده‌سوه‌پيكردن كاره‌يل چاره‌سه‌ر واقعى و دريژماوه‌ ئه‌را گشت كيشه‌يل كويه‌ن و تازه‌ له‌ عراق.