هــــه‌واڵ عــیراق
پاريزگايه‌يل باشوور داواێ ئاوه‌دانى ئه‌كه‌ن

پاريزگايه‌يل باشوور داواێ ئاوه‌دانى ئه‌كه‌ن


شه‌فه‌ق نيوز/ يه‌حيا ئه‌لناسرى پاريزگار زيقار، داوا له‌ حكومه‌ت ناوه‌ندێ كرد پلانيگ ئاشكرا دابنه‌ێد ئه‌را ئاوودانكردن پاريزگايه‌يل باشوور و جه‌خت له‌وه‌يش كرد ك گشت توانايه‌يليان ئه‌را ئازادكردن موسڵ هاوردنه‌سه‌ كار و يه‌يش بويه‌سه‌ هووكار وسانن جموجويل ئاوه‌دانى و كه‌مى له‌ پرووژه‌يل ژيرخان ئابوورێ.

 

ئه‌لناسرى له‌ لێدوانيگ رووژنامه‌نويسى ئه‌را(شه‌فه‌ق نيوز)وت: پاريزگايه‌يل باوور وه‌تايبه‌ت پاريزگاێ زيقار گشت توانايگى ئه‌را جه‌نگ ئازادكردن موسڵ هاورده‌ كار و ئيسه‌يش بايه‌سه‌ له‌بان حكومه‌ت ناوه‌ندێ پلانيگ ئاشكرا و دياريكرياێ ئه‌را ئنسافكردن هاووڵاتيه‌يل ئى پاريزگايه‌يله‌ دابنه‌ێد وه‌ل پيشكه‌شكردن واقع خزمه‌تگوزارى.

 

جى باسه‌، ئه‌لناسرى هه‌ميش وت: گشت پرووژه‌يل ئاوه‌دانى له‌ زيقار وه‌ بوونه‌ێ وه‌رده‌وامى فريه‌ێ جه‌نگ موسڵ گير دريا و ئيشه‌يش بايه‌سه‌ له‌بان حكومه‌ت ناوه‌ندێ پلانيگ ئاوه‌دانى دابنه‌ێد ئه‌را ئاوه‌دانكردن ناوچه‌يل ئازادكرياێ و ئنسافكردن هاووڵاتيه‌يل پاريزگاگه‌ جوور به‌شيگ له‌ كاردانه‌وه‌ێ جوان ئه‌را ئه‌و قوربانيه‌يل گه‌ورا ك زيقار پيشكه‌شى كرد.