هــــه‌واڵ كــوردى
بارزانى ئاماريگ تازه‌ى شماره‌ى قوربانيه‌يل پێشمه‌رگه‌ ئاشكرا كرد

بارزانى ئاماريگ تازه‌ى شماره‌ى قوربانيه‌يل پێشمه‌رگه‌ ئاشكرا كرد


شه‌فه‌ق نيوز/ نه‌يچێروان بارزانى سه‌رۆك وه‌زيره‌يل هه‌رێم كوردستان باس له‌وه‌ كرد ك ريكخرياگ ترۆريستى داعش هه‌وڵ ئه‌وه‌ داگه‌ ژيان ئاشتيانه‌ى ناونى پيكهاته‌يل و ئايينه‌يل و مه‌زه‌وه‌يل جياجيا له‌ هه‌رێم بگرێده‌ ئامانج وه‌ل ويرانكردن بارودوخ، وه‌لێ هه‌وڵه‌يلى شكه‌ست هاوردگه‌.

 

بارزانى له‌ وته‌يگى له‌ وه‌خت وازكردن پرووژه‌يگ ئاو له‌ پاريزگاى دهۆك ك (شه‌فه‌ق نيوز) ئاگادارى بوى، وت: شماره‌ى قوربانيه‌يل هيزه‌يل پێشمه‌رگه‌ى كوردستان له‌ جه‌نگ دژ ريكخرياگ ترۆريستى داعش ره‌سيه‌سه‌ 1700 شه‌هيد و 10 هه‌زار زه‌خمدار.

 

جى باسه‌، بارزانى هه‌ميش وت: ئه‌و قوربانيه‌يله‌ گيان خوه‌يان له‌ده‌سدان ئه‌را مقه‌يه‌تيكردن له‌ خاك كورستان و ئيمه‌يش سه‌ر ريز و نه‌وازش ئه‌ڕايان چه‌منيم.