هــــه‌واڵ كــوردى
شانديگ كورد له‌وه‌ر مه‌سه‌له‌ێ بودجه‌ سه‌ردان به‌غدا ئه‌كا

شانديگ كورد له‌وه‌ر مه‌سه‌له‌ێ بودجه‌ سه‌ردان به‌غدا ئه‌كا


شه‌فه‌ق نيوز/ يه‌كێتى نيشتمانى كوردستان، باس له‌وه‌ كرد ك شانديگ له‌ هه‌رێم كوردستان سه‌ردان به‌غداى پايته‌خت ئه‌كا له‌وه‌ر تاوتوێكردن مه‌سه‌له‌ێ بودجه‌ى كوردستان وه‌ل حكومه‌ت ناوه‌ندى.

 

له‌ى باوه‌ته‌و، ره‌سانن يه‌كێتى نيشتمانى كوردستان له‌ به‌ياننامه‌يگ ئه‌را(شه‌فه‌ق نيوز)وت: وه‌ى نزيكه‌يله‌ شانديگ حكومى له‌ كوردستان سه‌ردان به‌غدا ئه‌كا ئه‌را تاوتويكردن وه‌ل حكومه‌ت ناوه‌ندى له‌باره‌ێ بودجه‌ێ هه‌رێم بيجگه‌ دوسيه‌يل تر و ئاماژه‌ وه‌يه‌يش كرد ئه‌و سانده‌ رووژ يه‌كشه‌ممه‌ى ئاينده‌ سه‌ردان به‌غدا ئه‌كا.

 

له‌لايه‌ن خوه‌ييشه‌و، فه‌رهاد قادر ئه‌ندام فراكسيۆن يه‌كێتى نيشتمانى كوردستان له‌ ئه‌نجومه‌ن نوێنه‌ره‌يل عراقى، جه‌خت له‌وه‌ كرد ك ئى شانده‌ حكوميه‌و شاره‌زا و تايبه‌تمه‌نده‌يل له‌ بوار نه‌فت و ئابوورى ئه‌گرێده‌ خوه‌ێ.