هــــه‌واڵ عــیراق
فراكسيۆنه‌يل كوردستانى ياداشت لاوردن بريار دژ راپرسێ سپاردنه‌ سه‌رۆكايه‌تى په‌رله‌مان

فراكسيۆنه‌يل كوردستانى ياداشت لاوردن بريار دژ راپرسێ سپاردنه‌ سه‌رۆكايه‌تى په‌رله‌مان


شه‌فه‌ق نيوز/ سه‌رچه‌وه‌يگ نوێنه‌رايه‌تى ئه‌وه‌ ده‌رخست ك فراكسيۆنه‌يل كوردستانى له‌ ئه‌نجومه‌ن نوێنه‌ره‌يل عراقى ياداشتيگ ناڕه‌زايه‌تى دژ بڕيار ره‌ته‌وكردن راپرسێ هه‌رێم كوردستان ته‌سليم وه‌ سه‌رۆكايه‌تى ليژنه‌ێ ئه‌نجومه‌ن كردنه‌.

 

له‌ى باوه‌ته‌و، ئه‌و سه‌رچه‌وه‌ێ نوێنه‌رايه‌تيه‌ ئه‌را(شه‌فه‌ق نيوز)وت: فراكسيۆنه‌يل كوردستانى ياداشتيگ سپاردنه‌سه‌ ليژنه‌ێ سه‌رۆكايه‌تى ئه‌نجومه‌ن نوێنه‌ره‌يل عراقى و له‌تى داواى لاوردن بڕيار ناوبرياگ كردنه‌.

 

جى باسه‌، سه‌رچه‌وه‌گه‌ هه‌ميش وت: فراكسيۆنه‌يل سياسى چه‌وه‌ڕێ جواو سه‌رۆكايه‌تى په‌رله‌مان ئه‌كه‌ن له‌بان ئه‌و ياداشته‌و ئاشكراێ يه‌يش كرد ك فراكسيۆنه‌يل كوردستان به‌شدارێ دانيشتنه‌يل په‌رله‌مان ناكه‌ن له‌ حاڵه‌تيگ ئه‌گه‌ر جواو سه‌رۆكايه‌تى په‌رله‌مان ئيجابى نه‌دێ.