هــــه‌واڵ عــیراق
په‌رله‌مان خوازياره‌ دوسيه‌ى "وه‌حشيگ دڕنده‌" واز بكا هه‌ڕه‌شه‌ له‌ عراق ئه‌كا

په‌رله‌مان خوازياره‌ دوسيه‌ى "وه‌حشيگ دڕنده‌" واز بكا هه‌ڕه‌شه‌ له‌ عراق ئه‌كا


شه‌فه‌ق نيوز/ ليژنه‌ى ده‌سپاكى په‌رله‌مانى، باس له‌ وجوود وه‌حشيگ دڕنده‌تر له‌ ريكخرياگ تيرۆريستى داعش كرد ك وه‌قسه‌ى خوه‌ى هه‌ڕه‌شه‌ له‌ عراق ئه‌كا.

 

له‌و باوه‌ته‌و، يوسف كلابى ئه‌ندام ليژنه‌گه‌ ئه‌را شه‌فه‌ق نيوز وت: دوياى سه‌ركه‌فتن عراقيه‌يل له‌بان ريكخرياگ تيرۆريستى داعش، وه‌حشيگ ديريم دڕنده‌ترين و خه‌ته‌رناكتره‌ له‌ داعش، ك ئه‌ويش گه‌ناته‌كاريه‌و له‌ ناونيمان وجوود ديرێد.

 

كلابى هه‌ميش وت: له‌ى خول په‌رله‌مانيه‌ هه‌وڵ ئه‌وه‌ ئه‌يه‌يم زاڵ بويمن له‌بان ئه‌و وه‌حشه‌ يا وه‌شيوه‌يگ فراوان كزيه‌و بكه‌يم، چوينكه‌ په‌رله‌مان خوازياره‌ دوسيه‌يل فريه‌يگ گه‌ناته‌كارى واز بكاو پرس و پرسكارى وه‌ل هه‌ركه‌س ولايه‌نيگ بكا ده‌س له‌ گه‌ناته‌كارى ديرێد.