هــــه‌واڵ عــیراق
دادگاێ ئوردنى ته‌سليمكردن وه‌رپرسيگ وه‌رين عراقى وه‌ به‌غدا په‌سه‌ن كرد

دادگاێ ئوردنى ته‌سليمكردن وه‌رپرسيگ وه‌رين عراقى وه‌ به‌غدا په‌سه‌ن كرد


شه‌فه‌ق نيوز/ سه‌رچه‌وه‌يل ره‌سانن ئوردنى ئاشكراى ئه‌وه‌ كرد ك دادگاێ ئستئناف بڕيار ته‌سليمكردن زياد تارق قه‌تان پياو كار عراقى وه‌ ده‌سڵاته‌يل عراقى په‌سه‌ن كردگه‌.

 

وه‌ گووره‌ێ ئه‌و سه‌رچه‌وه‌يله‌ ئه‌وه‌ ده‌ركه‌فت ك وه‌كيله‌يل وه‌رگريكردن له‌ قه‌تان شكايه‌تيگ دژ ئى بڕياره‌ پيشكه‌ش وه‌ دادگاێ ته‌ميز ئه‌كه‌ن.

 

 جى باسه‌، ئه‌و سه‌رچه‌وه‌يله‌ ئاماژه‌ وه‌يه‌يش كردن ك ته‌سلمكردن قه‌تان وه‌ عراق له‌لايه‌ن ئوردنه‌و وه‌ گووره‌ێ ريككه‌فتنه‌گه‌ێ رياز ئه‌نجام ئه‌گرێد ك تايبه‌ته‌ وه‌ ته‌سليمكردن تاوانباره‌يل، ك قه‌تان يه‌كيگه‌ له‌و تاوانباره‌يله‌و چه‌نه‌ها پۆست له‌ وزاره‌ت وه‌رگرى عراقى داشتگه‌و له‌ناونيانيش پۆست جيگر وه‌رين ئه‌ميندار گشتى و وه‌ڕيه‌وبه‌ر گشتى ده‌زگاێ ئاماده‌كارى و پڕچه‌ككردن.