هــــه‌واڵ كــوردى
ئه‌نداميگ له‌ ئه‌نجومه‌ن راپرسى: كارا نه‌كردن په‌رله‌مان كوردستان كاريگه‌رێ نه‌يرێد

ئه‌نداميگ له‌ ئه‌نجومه‌ن راپرسى: كارا نه‌كردن په‌رله‌مان كوردستان كاريگه‌رێ نه‌يرێد


شه‌فه‌ق نيوز/ هۆشيار زێبارى ئه‌ندام ئه‌نجومه‌ن باڵاێ راپرسى له‌ هه‌رێم كوردستان و سه‌ركرده‌ له‌ پارت ديموكرات كوردستان، له‌ كاريگه‌رى كارانه‌كردن په‌رله‌مان هه‌رێم كه‌م كرد له‌بان ئه‌نجامداين پرووسه‌ێ راپرسى ئه‌را سه‌روه‌خوه‌يى.

 

زێبارى له‌ لێدوانيگ ئه‌را رووژنامه‌نويسه‌يل له‌ دوياێ دانيشتن ئه‌نجومه‌ن باڵاێ راپرسى وت: پيشنياره‌يل گونجياگيگ پيشكه‌ش وه‌ بزووتنه‌وه‌ێ گۆڕان و لايه‌نه‌يل تر كرديمنه‌ ئه‌را كاراكردن كار په‌رله‌مان كوردستان و گله‌وخواردن يوسف محه‌مه‌د سه‌رۆكاگه‌ێ، وه‌لێ له‌ڕێ ريككفه‌تن ناونى گشت لايه‌نه‌يل.

 

جى باسه‌، زێبارى هه‌ميش وت: په‌رله‌مان هه‌رێم كوردستان په‌يوه‌ندێ وه‌ ئه‌نجامداين راپرسى نه‌يرێد و هه‌وه‌جه‌ وه‌ ئه‌وه‌ نه‌يرێد ياسايگ ده‌ربچێد وه‌و خاتره‌، ئه‌ويش له‌وه‌ر ئه‌وه‌گ مه‌سه‌له‌گه‌ په‌يوه‌سه‌ وه‌ لايه‌ن جيوه‌جيكارێ و له‌ هه‌مان وه‌خت پشتگيريكردن په‌رله‌مانيش له‌ راپرسى كاريگه‌ گرينگ.