هــــه‌واڵ عــیراق
واشنتۆن دگان وه‌ ئه‌وه‌ نا حه‌شد چه‌كه‌يلێ دژ كورد هاورده‌سه‌ كار

واشنتۆن دگان وه‌ ئه‌وه‌ نا حه‌شد چه‌كه‌يلێ دژ كورد هاورده‌سه‌ كار


شه‌فه‌ق نيوز/ وزاره‌ت وه‌رگرێ ئه‌مريكى "پنتاگۆن" باس له‌ حاڵه‌ته‌يل سه‌ربازێ گوزه‌يشته‌ كرد له‌باره‌ێ ئه‌وه‌گ فه‌سيله‌يلحه‌شد شه‌عبى عراقى چه‌كه‌يل ئه‌مريكى دژ كورد هاوردنه‌سه‌ كار و له‌ناونى ئه‌و چه‌كه‌يليشه‌ ده‌بابه‌يل ئه‌برامز ك تايبه‌ت درياوێده‌ سوپاێ عراقێ.

 

له‌ى باوه‌ته‌و، ئه‌ريك باهون قسه‌كه‌ر وه‌ناو پنتاگۆن وت: دبابه‌يل ئه‌برامز ئيم1 له‌ى ده‌ ساڵه‌يل دوياخره‌ له‌ چوارچێوه‌ى به‌رنامه‌يگ فرووشتن كه‌ره‌سه‌يل سه‌ربازێ فرووشيانه‌سه‌ سوپاى عراقى، وه‌لێ ئه‌و ده‌بابه‌يله‌ له‌لايه‌ن هيزه‌يل حه‌شد شه‌عبى سه‌ر وه‌ ئيرانه‌و هاوريانه‌سه‌ كار له‌ جه‌نگه‌يل دژ وه‌ ريكخرياگ ترۆريستى داعش و بيجگه‌ ئه‌وه‌يش هاورده‌سه‌يانه‌ كار له‌ په‌لاماره‌يلێ ئه‌را بان ناوچه‌يل كيشه‌ له‌سه‌ر و له‌وانه‌يش كه‌ركوك.

 

جى باسه‌، زويتريش وه‌رپرسه‌يل كورد ئه‌وه‌ ده‌رخستن حه‌شد شه‌عبى وه‌ ده‌بابه‌و چه‌ك و ته‌قه‌مه‌نێ ئه‌مريكيه‌و په‌لامار سه‌نگه‌ره‌يل پێشمه‌رگه‌ درياگه‌و بڕيگ له‌و ده‌بابه‌يليشه‌ له‌بان ده‌س هيزه‌يل كورده‌و ويران كريانه‌.