هــــه‌واڵ عــیراق
روحانى: بڕياره‌يلمان له‌بان كوردستان ناچه‌سپنيم، وه‌لێ بايه‌سه‌ پاشگه‌ز بوونه‌و له‌ راپرسى

روحانى: بڕياره‌يلمان له‌بان كوردستان ناچه‌سپنيم، وه‌لێ بايه‌سه‌ پاشگه‌ز بوونه‌و له‌ راپرسى


شه‌فه‌ق نيوز/ حه‌سه‌ن روحانى سه‌رۆك ئيرانى، باس له‌وه‌ كرد ك وڵاته‌گه‌ى ده‌خاڵه‌ت له‌ كاروبار هه‌رێم كوردستان ناكا، وه‌لێ داواى پاشگه‌زبوينه‌وه‌ى ئه‌كا له‌ راپرسێ سه‌روه‌خوه‌يى له‌ عراق.

 

روحانى له‌ كۆنفرانسيگ رووژنامه‌گه‌رى هاوبه‌ش وه‌ل ره‌جه‌ب ته‌يب ئه‌ردوغان سه‌رۆك توركى وت: مه‌سه‌له‌ى راپرسى له‌ كوردستان و مه‌سه‌له‌ى ترۆر له‌ ناوچه‌گه‌ وه‌ ته‌مامى وه‌ يه‌كه‌و باس كرديمنه‌ و ريكخستن زياتريش ئه‌خوازيم له‌باره‌ى روێداگه‌يل له‌ هه‌رێم كوردستان و جه‌ختيش له‌بان يه‌كێتى خاكه‌يل سوريا و عراق ئه‌كه‌يم و دابه‌شكردن له‌ ناوچه‌گه‌ ناخوازيم.

 

جى باسه‌، روحانى هه‌ميش وت: ناخوازيم برياره‌يلمان له‌بان ملله‌ت كوردستان عراق بچه‌سپنيم و بايه‌سه‌ له‌بان وه‌رپرسه‌يل هه‌رێم پاشگه‌ز بوونه‌و له‌ بڕياره‌يل هه‌ڵه‌يان و ئيمه‌ هويچ وه‌ هويچ ئاڵشتكارييگ مه‌رزى وه‌ل عراق قه‌بول ناكه‌يم.