هــــه‌واڵ كــوردى
پارتى و يه‌كێتى پۆسته‌يل په‌رله‌مان و حكومه‌ت ديارێ ئه‌كه‌ن

پارتى و يه‌كێتى پۆسته‌يل په‌رله‌مان و حكومه‌ت ديارێ ئه‌كه‌ن


شه‌فه‌ق نيوز/ حزبه‌يل كورد خه‌ريكه‌ ره‌سنه‌‌ چاره‌سه‌ريگ سياسى ئه‌را دامه‌زرانن حكومه‌ت هه‌رێم كوردستان و قورتاربوين له‌ كيشه‌يگ بۆشايى ده‌ستوورى له‌ حاڵه‌تيگ ئه‌گه‌ر مه‌سه‌له‌ى په‌رله‌مان له‌ ماوه‌ى دو رووژ ئاينده‌ يه‌كلا نه‌كريا.

 

له‌ى باوه‌ته‌و، وه‌رپرسيگ باڵا له‌ يه‌كێنى نيشتمانى كوردستان ئه‌را عه‌ره‌بى ئه‌لجديد وت: دانيشتنه‌يل ئى دوياخره‌ له‌ناونى پارتى و يه‌كێتى وه‌ خاڵه‌يل تازه‌ى سياسيه‌و ده‌رچيه‌و ناكووكيه‌يل له‌باره‌ى دامه‌زرانن حكومه‌ت ته‌واو ئه‌دێ و يه‌يش دورخست ك پارتى نه‌رمى نيشانداگه‌ له‌ گفتگوو.

 

ئه‌و وه‌رپرسه‌ هه‌ميش وت: سه‌رۆكايه‌تى په‌رله‌مان ئه‌را ئيمه‌ ئه‌دێ جوور يه‌كێتى نيشتمانى  سه‌رۆكايه‌تى حكومه‌تيش ئه‌را پارت ديموكرات كوردستانه‌و باس له‌وه‌يش كرد ك حزبه‌گه‌ى ته‌نيا يه‌ك كانديد ديرێد ئه‌را ئه‌و پۆسته‌و ئه‌ويش بێگه‌رد تاڵه‌بانيه‌ ك له‌لايه‌ن باقى حزبه‌يل تر په‌سه‌نه‌.