هــــه‌واڵ عــیراق
جه‌نگ په‌رله‌مان و عبادى ده‌س وه‌پيكرد

جه‌نگ په‌رله‌مان و عبادى ده‌س وه‌پيكرد


شه‌فه‌ق نيوز/ سه‌ليم جبورى سه‌رۆك ئه‌نجومه‌ن نوێنه‌ره‌يل عراقى داوا له‌ حه‌يده‌ر عبادى سه‌رۆك حكومه‌ت كرد دانيشتنيگ ئاشكراى په‌رله‌مانى ساز بكا ئه‌را گفتگوو له‌باره‌ى ڕيه‌يل خه‌رجكردن بودجه‌.

 

قسه‌يل جبورى دوياى ئه‌وه‌ هات ك عبادى له‌ كۆنگره‌يگ رووژنامه‌گه‌رى تومه‌تبار شماره‌يگ له‌ ئه‌ندامه‌يل په‌رله‌مان كرد وه‌ جيوازكردن بڕ نزيكه‌ى 42 مليۆن دۆلار له‌ پويل فه‌قيره‌يل ئه‌را بان مووچه‌ى شه‌خسى ئه‌و ئه‌ندامه‌يله‌، ك يه‌يش ناڕه‌حه‌ت سه‌رۆك په‌رله‌مان كردگه‌.

 

جبورى له‌ به‌ياننامه‌يگ ك(شه‌فه‌ق نيوز)ئاگادارى بوى، وت: سه‌رمان سوڕ مينێد له‌ لێدوانه‌يل ناوه‌جى سه‌رۆك وه‌زيره‌يل له‌ باره‌ى وجوود گه‌ناته‌كاره‌ دارايى و ئدارى له‌ خه‌رجكردن ئه‌و داراييه‌ ك ته‌رخان كرياگه‌ له‌ شوون سێ مانگ له‌ په‌سه‌نكردنى.

 

جى باسه‌، وه‌و خاتريشه‌ جبورى داوا له‌ سه‌رۆك حكومه‌ت كرد سوو په‌نجشه‌ممه‌ ئاماده‌ى دانيشتن بدێ له‌وه‌رده‌م نوێنه‌ره‌يل ملله‌ت له‌ په‌رله‌مان ئه‌را ئاشكراكردن هه‌ر كيشه‌يگ يا هه‌ر خراوه‌ ره‌فتاريگ له‌باره‌ى گه‌ناته‌كارى دارايى له‌ڕى پيشكه‌شكردن به‌ڵگه‌ له‌وه‌رده‌م راى گشتى نه‌ك ته‌نيا تومه‌تكردن بى به‌ڵگه‌ ئه‌را ئامانجه‌يل ناديار.