هــــه‌واڵ جیــهانى
داعش وه‌رپرسيارێتى په‌لاماريگ له‌ سعوديه‌ گرته‌ خوه‌ى

داعش وه‌رپرسيارێتى په‌لاماريگ له‌ سعوديه‌ گرته‌ خوه‌ى


شه‌فه‌ق نيوز/ رووژنامه‌ى ئه‌لنه‌به‌ى ئه‌لكترۆنى ك له‌لايه‌ن ريكخرياگ تيرۆريستى داعشه‌و ده‌رئه‌چێد، ئه‌وه‌ ده‌رخست ك ريكخريايه‌گه‌ ئاشكراى وه‌رپرسيارێتى خوه‌ى كردگه‌ له‌و په‌لاماره‌ ك رووژ يه‌كشه‌ممه‌ى گوزه‌يشت روێدا له‌ يه‌كيگ له‌ خاڵه‌يل وشكانن له‌ سعوديه‌.

 

رووژنامه‌گه‌ وت: سێ كه‌س له‌ سه‌ربازه‌يل ريكخريايه‌گه‌ په‌لامار گرده‌وبوينيگ پاسه‌وانه‌يل زيندان ئه‌لترفيه‌ دانه‌ له‌ شار برێده‌ له‌ ناوچه‌ى ئه‌لقه‌سيم.

 

جى باسه‌، ئاژانس فه‌رمى سعودييش ئاماژه‌ وه‌ ئه‌وه‌ كرد ك سه‌ربازيگ له‌ هيزه‌يل ئه‌منى سعودى كوشياگه‌ له‌ په‌لاماريگ ئه‌را بان خاڵيگ ئه‌منى له‌شار برێده‌ له‌ناوچه‌ى ئه‌لقه‌سيم له‌ باكوور رياز پايه‌خت.