هــــه‌واڵ عــیراق
دارايى داوا له‌ حه‌لبوسى ئه‌كا سه‌رپه‌رشى دانيشتنه‌يل بودجه‌ بكا

دارايى داوا له‌ حه‌لبوسى ئه‌كا سه‌رپه‌رشى دانيشتنه‌يل بودجه‌ بكا


شه‌فه‌ق نيوز/ هۆشيار عه‌بدوڵڵا ئه‌ندام ليژنه‌ى دارايى له‌ ئه‌نجومه‌ن نوێنه‌ره‌يل عراقى/ داوا له‌ كوتله‌يل سياسى كرد ناكووكيه‌يليان بخه‌نه‌ كنار و مه‌سه‌له‌ى بودجه‌ى دارايى بخريه‌ێد ئه‌وله‌ويه‌ت كاره‌يليان و جه‌ختيش له‌وه‌ كرد ك سه‌رۆك ئه‌نجومه‌ن نوێنه‌ره‌يل سه‌رۆكايه‌تى دانيشتنه‌يل ليژنه‌ى دارايى نوێنه‌رايه‌تى بكاو سه‌رپه‌رشى تاووتوكردن بڕگه‌يل بودجه‌ بكا وه‌شيوه‌يگ راسه‌وخۆ.

 

عه‌بدوڵڵا له‌ به‌ياننامه‌يگ وت: هه‌رچه‌نى ئيمه‌ هايمنه‌ ليژنه‌ى دارايى، له‌رووژ سيشه‌ممه‌ى ئاينده‌وه‌ ده‌س ئه‌كه‌يمنه‌ تاووتوێكردن ياساى بودجه‌ى دارايى ئه‌را ئمساڵ و دويار بڕياره‌يليگ له‌باره‌يه‌و ئه‌دريه‌ێد وه‌ل سازكردن دانيشتن ئه‌را زه‌مانه‌تكردن بودجه‌ى كرده‌وه‌يى و پڕ دقه‌تيگ و داوايش له‌ گشت كوتله‌يل سياسى ئه‌كه‌يم ناكووكيه‌يليان بخنه‌ كنار و ته‌ركيز له‌بان ياساى بودجه‌ بكه‌ن تا بتويه‌نيم ته‌واوى بكه‌يم و پيشكه‌شى بكه‌يم ئه‌را ده‌نگداين.

 

جى باسه‌، عه‌بدوڵڵا هه‌ميش وت: فريه‌ خواسته‌ ك محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل سه‌رۆكايه‌تى ليژنه‌ى ئيسه‌ى دارايى بكاو سه‌رپه‌رش بدێ له‌بان دانيشتنه‌يلى وه‌شيوه‌يگ راسه‌وخۆ له‌وه‌ر ئه‌وه‌گ رۆڵ گرنگ داشت له‌ى ليژنه‌ له‌ خوله‌يل وه‌رين و له‌وه‌ر ئه‌وه‌گ مه‌سه‌له‌ى سه‌رۆكايه‌تى ليژنه‌ تائيسه‌ يه‌كلاوه‌ نه‌ويه‌.