هــــه‌واڵ جیــهانى
ئه‌مريكيه‌يل گرنگى فريه‌يگ وه‌ هه‌ڵوژاردنه‌يل نيمه‌يى ئه‌يه‌ن

ئه‌مريكيه‌يل گرنگى فريه‌يگ وه‌ هه‌ڵوژاردنه‌يل نيمه‌يى ئه‌يه‌ن


شه‌فه‌ق نيوز/ ده‌نگده‌ره‌يل ئه‌مريكى ده‌نگ له‌ هه‌ڵوژاردنه‌يل نيمه‌يى ئه‌مريكا ئه‌يه‌ن، له‌وه‌ر تازه‌كردنه‌وه‌ى به‌شيگ له‌ ئه‌ندامه‌يل كۆنگرس ئه‌مريكى و فه‌رمانڕه‌وايه‌يل ولايه‌ته‌يل له‌ بارودوخيگ ئاسايى ك جه‌هان ئه‌وه‌نه‌ گرنگى وه‌پى نايه‌ێد ئه‌وه‌نه‌ى ئه‌وه‌گ گرنگى وه‌ ئه‌نجامه‌يل هه‌ڵوژاردن سه‌رۆكايه‌تى ئه‌يه‌ن.

 

ئى هه‌ڵوژاردن په‌رله‌مانيه‌ ك هاووڵاتيه‌يل ئه‌مريكى ئه‌ندامه‌يل ئه‌نجومه‌ن نوێنه‌ره‌يل و سێكوتى ئه‌ندامه‌يل ئه‌نجومه‌ن پيره‌يل له‌تى هه‌ڵوژنن، دياره‌ ك ئيجاره‌ جى گرنگيداين گه‌وراى ناوده‌وڵه‌تيه‌و ته‌نيا سياسه‌ت ئداره‌ى دۆناڵد ترامپ وه‌پى رازى نيه‌و جياوازه‌ له‌لى.

 

له‌ى باوه‌تيشه‌و، تووڕ "سى ئێن بى سى" ئه‌مريكى له‌ راپۆرتيگى وت: گشت جه‌هان چه‌وه‌ڕێ ئى هه‌ڵوژاردن په‌رله‌مانى ئه‌مريكيه‌ ئه‌كه‌ن وه‌ ئه‌وه‌گ راپرسييگه‌ له‌بان ئداره‌ى ترامپ و ئاماژه‌يگه‌ ئه‌را په‌ره‌سه‌ندن جه‌ماوه‌رى ناوده‌وڵه‌تى و باس له‌وه‌يش كرد ك هووكاريگ تر ئى هه‌ڵوژاردنه‌ په‌يوه‌سه‌ وه‌ نموونه‌ى ديموكراسيه‌ت ئه‌مريكا ك هاوپه‌يمانه‌يل واشنتۆن باوه‌ڕيان ئه‌وه‌سه‌ جازبيه‌تى له‌ده‌سداگه‌.