هــــه‌واڵ كــوردى
كوردستان شكايه‌ت له‌بان وه‌زير بازرگانى عراق به‌رزه‌و ئه‌كا

 كوردستان شكايه‌ت له‌بان وه‌زير بازرگانى عراق به‌رزه‌و ئه‌كا


شه‌فه‌ق نيوز/ وه‌زاره‌ت بازرگانى له‌ حكومه‌ت هه‌رێم كوردستان، ئه‌وه‌ ده‌رخست ك وه‌ گووره‌ى داواكارى له‌ يه‌كێتى جفتياره‌يل كوردستانه‌و شكايه‌تيگ دادوه‌رى دژ وه‌زير بازرگانى له‌ حكومه‌ت ناوه‌ندى به‌رزه‌و كرياگه‌.

 

له‌ى باوه‌ته‌و، ماڵپه‌ڕ پارت ديموكرات كوردستان له‌ زووان عه‌بدولڕه‌زاق ناوه‌ندى وه‌ڕيه‌وبه‌ر گشتى وه‌زاره‌ت بازرگانى له‌ حكومه‌ت هه‌رێم كوردستان وت: يه‌كێتى جفتياره‌يل كوردستان شكايه‌تيگ دادوه‌رى دژ وه‌زير بازرگانى عراق به‌رزه‌وكردنه‌ ئه‌را دادگاييكردنى له‌بان مه‌سه‌له‌ى دوياخستن هه‌قده‌سه‌يليان له‌ پويل ئه‌و گه‌نمه‌ ك وه‌ريگرتگه‌.

 

جى باسه‌، ناوه‌ندى هه‌ميش وت: دادگا له‌ به‌رژه‌وه‌ندى جفتياره‌يل كوردستان بڕيار ئه‌ياد و ئاماژه‌ وه‌يه‌يش كرد ك حكومه‌ت ناوه‌ندى تائيسه‌ هه‌قده‌س سێ ساڵ له‌ به‌رهه‌م گه‌نم جفتياره‌يل هه‌رێم كوردستان نه‌ياگه‌ ك ئه‌كاده‌ نزيكه‌ى 500 مليار دينار.