هــــه‌واڵ كــوردى
"گه‌وراترين فراكسيۆن" له‌ ئه‌نجومه‌ن كه‌ركوك دانيشتن له‌ په‌رله‌مان كوردستان ساز ئه‌كا

 "گه‌وراترين فراكسيۆن" له‌ ئه‌نجومه‌ن كه‌ركوك دانيشتن له‌ په‌رله‌مان كوردستان ساز ئه‌كا


شه‌فه‌ق نيوز/ دڵشاد پيرۆت ئه‌ندام فراكسيۆن "برايه‌تى" له‌ ئه‌نجومه‌ن پاريزگاى كه‌ركوك، ئاشكراى ئه‌وه‌ كرد ك دسوو په‌نجشه‌ممه‌ فراكسيۆنه‌گه‌ێ دانيشتنيگ له‌ په‌رله‌مان هه‌رێم كوردستان ساز ئه‌كا ك يه‌يش يه‌كه‌م دانيشتنه‌ ئه‌ڕاى دوياى روياگه‌يل 16ى ته‌شرين يه‌كه‌م و هاتن هيزه‌يل عراقى و حه‌شد شه‌عبى.

 

پيرۆت له‌ لێدوانيگ ك له‌لايه‌ن ماڵپه‌ڕ فه‌رمى پارت ديموكرات كوردستانه‌و بڵاو كريا، وت: سه‌رۆكايه‌تى ئه‌نجومه‌ن پاريزگاى كه‌ركوك داوه‌تنامه‌يگ ئاراسته‌ى گشت ئه‌ندامه‌يل فراكسيۆن برايه‌تى كردگه‌ ك ته‌مسيل نيمه‌ى ئه‌ندامه‌يل ئه‌نجومه‌نه‌گه‌ ئه‌كه‌ن ئه‌را ئه‌وه‌گ رووژ په‌نجشه‌ممه‌ى ئاينده‌ ئاماده‌ى دانيشتنيگ بوون له‌ باڵه‌خانه‌ى په‌رله‌مان هه‌رێم كوردستان له‌ هه‌ولێر.

 

جى باسه‌، پيرۆت له‌باره‌ى ئه‌و باوه‌ته‌يليشه‌ ك له‌ى دانيشتنه‌ باس ئه‌كريه‌ن، وت: له‌ى دانيشتنه‌ باس له‌ بارودوخ ئيسه‌ى كه‌ركوك و ئه‌و باوه‌ته‌يله‌ ئه‌كريه‌ێد ك ئيسه‌ وجوود ديرن له‌ مه‌يدانه‌گه‌ وه‌ل روێداگه‌يل ئى دوياخره‌ له‌ پاريزگاگه‌.