هــــه‌واڵ كــوردى
بارزانى باس له‌ هه‌ڵويستيگ ئێزيديه‌يل كرد

بارزانى باس له‌ هه‌ڵويستيگ ئێزيديه‌يل كرد


شه‌فه‌ق نيوز/ مه‌سعود بارزانى سه‌رۆك هه‌رێم كوردستان موباره‌كبايى له‌ كورده‌يل ئێزيدى كرد وه‌ بوونه‌ى ئاهه‌نگسازى جه‌شن"جما"و جه‌خت له‌وه‌ كرد ك هه‌ميشه‌ ئه‌وان شانازى وه‌ رووشنهويرى و هه‌ڵويسته‌يل نه‌ته‌وه‌يى و كوردستانى ئه‌كه‌ن.

 

بارزانى له‌ په‌ياميگ موباره‌كبايى ئه‌را ئێزيديه‌يل وه‌و بوونه‌وه‌ وت: كورده‌يل ئێزيدى وه‌ هه‌ڵويستيان له‌ راپرسێ 25 ئه‌يلوول گوزه‌يشت ئسپات ئه‌وه‌ كردنه‌ ئه‌را گشتلايگ ك هويچ هيزيگ نيه‌ بتويه‌نێد له‌ ملله‌ت كورد داوڕنيده‌يان.

 

جى باسه‌، بارزانى وه‌خاتر ئه‌و هه‌ڵويست نيشتمانيه‌ تاريف ئێزيديه‌يل كرد و ئوميده‌وار بوى جه‌شن جما و گشت بوونه‌يل ئايينى له‌بان ئێزيديه‌يل وه‌خوه‌شى باێده‌وه‌و چالاكتر بتويه‌نن خزمه‌ت وه‌ ملله‌ت و نيشتمان و ئايين بكه‌ن.