هــــه‌واڵ جیــهانى
توركيا حوكم هه‌تاهه‌تايى له‌بان 84 كه‌س وه‌ تومه‌ت كوده‌تا چه‌سپان

توركيا حوكم هه‌تاهه‌تايى له‌بان 84 كه‌س وه‌ تومه‌ت كوده‌تا چه‌سپان


شه‌فه‌ق نيوز/ دادگاى توركى حوكم زيندانيكردن هه‌تاهه‌تايى له‌بان 84 كه‌س ده‌ركرد له‌وه‌ر هه‌وڵداينيان ئه‌را كوده‌تايگ شكه‌ستهاوردگ له‌ساڵ 2016و ئه‌و رووێداگه‌يله‌ ك كه‌فته‌و له‌بان يه‌كيگ له‌ پيه‌ڵه‌يل ئه‌سته‌مبوڵ له‌ شه‌و كوده‌تاگه‌.

 

ئاژانس ئه‌نادۆڵ توركى ك شه‌فه‌ق نيوز ئاگادارێ بوێ وت: 72 گومانليكرياێ حوكم هه‌تاهه‌تايى له‌بانيان درياگه‌ له‌وه‌ر هه‌وڵ كوده‌تا، وه‌لێ 12 كه‌س تر تويش هه‌مان سزا هاتنه‌ له‌وه‌ر ئه‌وه‌گ ده‌سداشتنه‌ له‌ كوشتن كه‌سايه‌تى ناودار ئيرۆل ئۆلكۆك و عه‌بدوڵلاى كوڕى.

 

ئاژانسه‌گه‌ هه‌ميش له‌ زووان سه‌رچه‌وه‌يليگ دادوه‌ريه‌و وت: 133 تومه‌تبار بريانه‌سه‌ وه‌رده‌م دادگا له‌ دانيشتن دويه‌كه‌و ئه‌و باقيه‌گه‌يان حوكم زيندانى له‌ناونى 15و 17 ساڵ له‌بانيان ده‌ركرياگه‌.