هــــه‌واڵ عــیراق
سعوديه‌ پيشوازێ له‌ پياوه‌يل كار عراقى ئه‌كاو خوازيار وه‌به‌رهاوردنه‌ له‌ عراق

  سعوديه‌ پيشوازێ له‌ پياوه‌يل كار عراقى ئه‌كاو خوازيار وه‌به‌رهاوردنه‌ له‌ عراق


شه‌فه‌ق نيوز/ حه‌يده‌ر عبادى سه‌رۆك وه‌زيره‌يل عراقى جه‌خت له‌وه‌ كرد ك ئامانج له‌ سه‌ردانه‌گه‌ێ ئه‌را ده‌وڵه‌ت كوه‌يت ك بڕياره‌ له‌ى هه‌فته‌ ئه‌نجام بگرێد بته‌وكردن فيشتر په‌يوه‌نديه‌يله‌ له‌ ناونى هه‌ردوگ وڵات.

 

عبادى له‌ ديدارى وه‌ل شماره‌يگ له‌ رووژنامه‌نويسه‌يل وه‌ بوونه‌ێ ئه‌و گه‌شته‌ ك له‌ى هه‌فته‌ ده‌س وه‌پى ئه‌كا ئه‌را چه‌ن ده‌وڵه‌تيگ هاوساو له‌ناونيانيش كوه‌يت باس له‌وه‌ كرد ك په‌يوه‌ندي وڵاته‌گه‌ێ وه‌ل كوه‌يت وه‌شيوه‌ێ فراوانيگ په‌ره‌ سه‌ندگه‌و حكومه‌ت عراقيش هه‌وڵ مقه‌يه‌تيكردن ئى ئاست په‌يوه‌نديه‌ له‌ پيشه‌فتن ئه‌ياد و به‌ش فريه‌يگيش له‌ى سه‌ردانه‌ په‌يوه‌سه‌ وه‌ى ئامانجه‌.

 

جى باسه‌، له‌لايگ تريشه‌و عبادى باس له‌وه‌ كرد ك سه‌ركردايه‌تى سعودييش مه‌يل ئنفتاح فيشتر ديرێد ئه‌را په‌ره‌داين وه‌ په‌يوه‌نديه‌يلى وه‌ل عراق و هه‌ر وه‌و خاتريشه‌ لايه‌ن سعودى ئاماده‌گى خوه‌ى ده‌رخستگه‌ ئه‌را پيشوازيكرن له‌ پياوه‌يل كار عراقى ئه‌را وه‌به‌رهاوردن له‌ شانشين سعودێ و خوه‌يشى مه‌يل وه‌به‌رهاوردن ديرێد له‌ عراق وه‌تايبه‌ت له‌ ناوچه‌يل چووڵه‌وانێ عراق.