هــــه‌واڵ كــوردى
فراكسيۆنه‌يل كوردستانى ده‌سكارى به‌شه‌ بودجه‌ێ هه‌رێم ره‌ته‌و ئه‌كه‌ن

فراكسيۆنه‌يل كوردستانى ده‌سكارى به‌شه‌ بودجه‌ێ هه‌رێم ره‌ته‌و ئه‌كه‌ن


شه‌فه‌ق نيوز/ فراكسيرنه‌يل كوردستانى له‌ ئه‌نجومه‌ن نوێنه‌ره‌يل عراقى، ناڕه‌زايه‌تى تونيگ وه‌رانوه‌ر پرووژه‌ ياساێ بودجه‌ى گشتى عراق ئه‌را ساڵ 2018 ده‌رخستن.

 

له‌ى باوه‌ته‌و، فراكسيۆنه‌يل كوردستانى له‌ به‌ياننامه‌يگ ئه‌را(شه‌فه‌ق نيوز)ئى خاڵه‌يله‌ خستنه‌ڕوێ:

- مسته‌ڵح (حكومه‌ت هه‌رێم كوردستان)، له‌ پرۆژه‌ یاساگه‌ كرياسه‌ (حكومه‌ت پارێزگايه‌يل هه‌رێم كوردستان)، ئه‌ويش جوور ئه‌وه‌گ له‌ نامه‌ى فراكسیۆنه‌يل ئه‌را حه‌یده‌ر عبادى هاتووه‌، ناده‌ستوورییه‌ و پاشێلكردن ماده‌ى 18ى ده‌ستووره‌.

- ده‌سكارى به‌ش هه‌رێم كوردستان ره‌ته‌و ئه‌كه‌يم ك زويتر له‌بان بڕياريگ كاروه‌پيكرياێ تا سه‌رشماريكردن وه‌ 17% دانرياگه‌و له‌ ساڵه‌يل گوزه‌يشته‌يش له‌ بودجه‌ى عراق چه‌سپياگه‌.

- سه‌رپشككردن ئه‌نجومه‌ن وه‌زيره‌يل ئه‌را زيايكردن خه‌رجيه‌يل له‌ وه‌خت هه‌وه‌جه‌ ره‌ته‌و ئه‌كه‌يم و يه‌يش ره‌ته‌و ئه‌كه‌يم ك ئه‌نجومه‌ن وه‌زيره‌يل سه‌رپشك بكريه‌ێد ئه‌را قه‌رز وه‌بى گله‌وخواردن ئه‌را په‌رله‌مان.

خاڵيگ تر ئه‌و ناڕه‌زايه‌يله‌ پيكهات له‌ زيايكردن خه‌رجه‌ي لسيادى ئه‌را 39% له‌ وه‌ختيگ ك ساڵه‌يل وه‌رين ته‌نيا 25% بويه‌و به‌ش هه‌رێم كوردستان له‌ خه‌رجه‌ حاكميه‌گان وه‌ ريژه‌ى يه‌ك له‌بان سێ كه‌مه‌و كرياگه‌و مووچه‌ى چه‌وديرى كۆمه‌ڵايه‌تييش وه‌ ريژه‌ى يه‌ك له‌بان سێ له‌ بودجه‌ كه‌مه‌و كرياگه‌و يه‌يش وه‌ ناڕه‌وايى وه‌رانوه‌ر هه‌رێم دانرياگه‌.

جى باسه‌، يه‌يش بيجگه‌ جياكارى وه‌ر‌انوه‌ر پێشمه‌رگه‌و بيبه‌شكردنى له‌ خه‌رجيه‌يل سه‌ربازى و كاره‌يل تر ناڕه‌ه‌وا ده‌رهه‌ق وه‌ هه‌رێم كوردستان.