هــــه‌واڵ جیــهانى
مادۆرۆ: من سه‌دام حسێن راسكانييم

مادۆرۆ: من سه‌دام حسێن راسكانييم


شه‌فه‌ق نيوز/ نيكولاس مادۆرۆ سه‌رۆك فه‌نزويلى، خوه‌ێ وه‌ سه‌دام حسێن سه‌رۆك وه‌رين عراقى ته‌شبى كرد له‌ وه‌ختيگ ك وڵاته‌گه‌ێ ناڕه‌زايه‌تى و خوه‌ينيشانداينه‌يل فريه‌يگ له‌تى ئه‌نجام دريه‌ێد و بويه‌سه‌ هووكار كوشيان و زه‌خمداربوين سه‌دان كه‌س.

 

مادۆرۆ له‌ وته‌يگ له‌ وه‌خت خه‌ڵاتكردن سه‌ربازه‌يليگ ك له‌ خوه‌ينيشانداينه‌يل زه‌خمدار بوين، وت: "من شوبهه‌ێ سه‌دام حسێن ئه‌يه‌م.. من سه‌دام حسێن راسكانييم".

 

جى باسه‌، فه‌نزه‌ويلا له‌ سه‌ره‌تاێ مانگ نيسان گوزه‌يشت تائيسه‌ خوه‌ينيشانداينه‌يل فريه‌يگ وه‌ خوه‌يه‌و ديه‌و داواێ لاچگن نيكولاس مادۆرۆ ئه‌كه‌ن ك بويه‌سه‌ هووكار نزيكه‌ێ 90 كه‌س و زه‌خمداركردن سه‌دان كه‌س.