هــــه‌واڵ عــیراق
شماره‌ى چه‌وديره‌يل پرووسه‌ى هه‌ڵوژاردن ئاشكرا كريا

شماره‌ى چه‌وديره‌يل پرووسه‌ى هه‌ڵوژاردن ئاشكرا كريا


شه‌فه‌ق نيوز/ كومسيۆن مافه‌يل ئاده‌ميزاد له‌ عراق، ئاشكراى ده‌سوه‌پيكردن مه‌لاكه‌يلى كرد ئه‌را چه‌وديرێ پرووسه‌ى هه‌ڵوژاردنه‌يل له‌ عراق.

 

له‌ى باوه‌ته‌و، فازڵ غه‌ڕاوى ئه‌ندام كۆمسيۆنه‌گه‌ ئه‌را شه‌فه‌ق نيوز وت: مه‌شق وه‌ تيمه‌يل چه‌وديرى سه‌ر وه‌ كومسيۆنه‌گه‌ درياگه‌ له‌گشت عراق له‌بان چوينێتى چه‌وديريكردن هه‌ڵوژاردنه‌يل و داناين ميكانيزميگ تايبه‌ت له‌باره‌ى سه‌رپيچيه‌يل چ له‌ڕوێ پڕوپاگه‌نده‌ى هه‌ڵوژاردن يا له‌ڕوێ كاره‌يل په‌يوه‌س وه‌ پرووسه‌ى هه‌ڵوژاردنه‌يل.

 

جى باسه‌، غه‌ڕاوى هه‌ميش وت: 650 كه‌س سه‌ر وه‌ كومسيۆن مافه‌يل ئاده‌ميزاد مه‌شق وه‌پيان درياگه‌ وه‌هاوكارى وه‌ل كومسيۆن هه‌ڵوژاردنه‌يل و گشت رويداگه‌يل به‌يانات فه‌رمى و راپۆرته‌يل مه‌يدانى و گشت سه‌رپيچيه‌يليگ ك روێ ئه‌ياد له‌ پرووسه‌ى هه‌ڵوژاردن به‌ڵگه‌يى ئه‌كريه‌ێد و دوياى ته‌مامبوين هه‌ڵوژاردنه‌يل كومسيۆنه‌گه‌ راپۆرت پيشكه‌ش ئه‌كاده‌ ناوه‌نده‌يل په‌يوه‌نديدار ناوده‌وڵه‌تى تايبه‌ت وه‌ مافه‌يل ئاده‌ميزاد له‌ جنێف بيجگه‌ ئه‌نجومه‌ن نوێنه‌ره‌يل عراقى.