ئابوورى
ئيران باس قه‌رزه‌گه‌ێ له‌جياى هه‌نارده‌كردن غاز له‌لاى عراق ئه‌كا

ئيران باس قه‌رزه‌گه‌ێ له‌جياى هه‌نارده‌كردن غاز له‌لاى عراق ئه‌كا


شه‌فه‌ق نيوز/ بيژه‌ن زه‌نگه‌نه‌ وه‌زير نه‌فت ئيران، ئاشكراى ره‌سين ئه‌را ريككه‌فتنيگ كرد وه‌ل عراق له‌باره‌ى په‌ره‌داين وه‌ دو سه‌رچه‌وه‌ێ مه‌رزێ نه‌فتى و ئاماژه‌يش وه‌ هه‌قده‌سه‌يل وڵاته‌گه‌ێ كرد له‌ هه‌نارده‌كردن غاز ئه‌را عراق ك ره‌سيه‌سه‌ يه‌ك مليار دۆلار.

 

زه‌نگه‌نه‌ له‌چوارچێوه‌ى ديدارى وه‌ل سامر غه‌زبان وه‌زير نه‌فت عراقى ك سه‌ردان ته‌هران كردگه‌ وه‌ ياوه‌رى عادل عه‌بدولمه‌هدى سه‌رۆك حكومه‌ت وت: بانك ناوه‌ندى ئيرانى چه‌ودێرى پرووسه‌ى ده‌سكه‌فتن هه‌قده‌سه‌يل هه‌نارده‌ى غاز له‌ عراق ئه‌كاز جه‌ختيش له‌وه‌ ئه‌كه‌يم كۆمپانيايه‌يل ئيرانى به‌شدار ئه‌دێ له‌ جيوه‌جيكردن پرووژه‌يل له‌ عراق.

 

زه‌نگه‌نه‌ هه‌ميش وت: بڕياره‌ كۆمپانيايگ عراقى هاوشيوه‌ باێده‌ ئيران و گفتگوو بكا له‌باره‌ى چوينێتى هاوكارى و جيوازكردن شاره‌زايى وه‌ل ته‌هران.