هــــه‌واڵ كــوردى
ئه‌را يه‌كه‌مجاره‌.. كوردستان ژنيگ ئه‌را سه‌رۆكايه‌تى دادگاى ته‌ميز دامه‌زرنێد

ئه‌را يه‌كه‌مجاره‌.. كوردستان ژنيگ ئه‌را سه‌رۆكايه‌تى دادگاى ته‌ميز دامه‌زرنێد


شه‌فه‌ق نيوز/ ئه‌نجومه‌ن دادگاى باڵاى هه‌رێم كوردستان بڕيار دامه‌زرانن ژنه‌ دادوه‌ريگ دا ئه‌را سه‌رۆكايه‌تى دادگاى ته‌ميز له‌ هه‌ولێر پايته‌خت هه‌رێم، ئه‌ويش جوور يه‌كه‌م ژنيگ ئه‌را وه‌رگرتن ئى پۆسته‌.

 

له‌ باوه‌ت ئى پۆستيشه‌ ئه‌نجومه‌ن باڵاى كاروبار ژنه‌يل له‌ هه‌رێم كوردستان به‌ياننامه‌يگ ده‌ركرد و له‌تى ئى بڕياره‌ به‌رز نرخاند له‌لايه‌ن ده‌سڵاته‌يل دادوه‌رى ك ريك ئه‌كه‌فيد وه‌ل چالاكيه‌يل هه‌ڵمه‌ت نيشتمانى ئه‌را له‌ناوبردن تون وتيژى دژ ژنه‌يل.

 

له‌لاى خوه‌يه‌و كۆسار كه‌ريم ئه‌ندام ئه‌نجومه‌ن باڵاى كاروبار ژنه‌يل له‌ لێدوانيگ رووژنامه‌گه‌رى وت: داين ئى پۆسته‌ به‌رزه‌ وه‌ ژن ئاماژه‌يگه‌ ئه‌را باوه‌ڕدارى حكومه‌ت هه‌رێم وه‌ مافه‌يل ژن و گوزارشه‌ له‌ تواناى ئافره‌ته‌يل شان وه‌شان پياو ئه‌را وه‌رگرتن به‌رزترين پۆسته‌يل.