هــــه‌واڵ عــیراق
ئيران هه‌ڵويست خوه‌ى له‌ په‌لامارداين باڵيۆزخانه‌گه‌ى له‌ به‌سره‌ ده‌رخست

 ئيران هه‌ڵويست خوه‌ى له‌ په‌لامارداين باڵيۆزخانه‌گه‌ى له‌ به‌سره‌ ده‌رخست


شه‌فه‌ق نيوز/ قسه‌كه‌ر وه‌ناو ليژنه‌ى ئاسايش نه‌ته‌وه‌يى و سياسه‌ت خارجى له‌ ئه‌نجومه‌ن شوراى ئسلامى ئيرانى، ئاشكراى ئه‌وه‌ كرد ئه‌ندامه‌يل ئى ليژنه‌ مه‌سه‌له‌ى ئه‌و په‌لاماره‌ ئه‌را بان باڵيۆز ئيرانى له‌ به‌سره‌ تاوتوێ ئه‌كه‌ن.

 

وه‌ گووره‌ى ئاژانس ته‌سنيم ئيرانى، ئه‌وه‌ ده‌ركه‌فت ك عه‌لى نه‌جه‌فى ئه‌و په‌لاماره‌  ئه‌را بان باڵيۆزخانه‌ى ئيرانى له‌ به‌سره‌ و سزانن باره‌گاى باڵيۆزخانه‌گه‌ ئدانه‌ كردگه‌ ك زه‌ره‌ده‌يل فريه‌يگ له‌لى كه‌فته‌سه‌و ك ناگونجيه‌يل وه‌ل ريككه‌فتنه‌يل ناوده‌وڵه‌تى.

 

جى باسه‌، نه‌جه‌فى هه‌ميش وت: بايه‌سه‌ له‌بان حكومه‌ت عراقى وه‌ زويترينن وه‌خت ده‌سپيشخه‌رى بكا ئه‌را دياريكردن و ده‌سگيركردن و سزاداين ئه‌وانه‌گ ئى په‌لاماره‌ ئه‌نجام دانه‌و ئه‌وانه‌كيش فه‌رمان په‌لامارداينى دانه‌.