هــــه‌واڵ عــیراق
راپۆرتيگ توركى: موسڵ و كه‌ركوك و به‌شه‌يليگ له‌ كه‌ربه‌لاو كازميه‌ موڵك سوڵتان عوسمانيه‌

راپۆرتيگ توركى: موسڵ و كه‌ركوك و به‌شه‌يليگ له‌ كه‌ربه‌لاو كازميه‌ موڵك سوڵتان عوسمانيه‌


شه‌فه‌ق نيوز/ رووژنامه‌ى "يه‌نى عه‌قد" نزيك له‌ ره‌جه‌ب ته‌يب ئه‌ردوغان سه‌رۆك توركى، راپۆرتيگ بڵاو كرد و له‌تى باس له‌وه‌ كردگه‌ ك هه‌ر يه‌ك له‌ موسڵ و كه‌ركوك موڵكيه‌ت عه‌بدولحه‌ميد دويه‌م سوڵتان عوسمانيه‌.

 

رووژنامه‌گه‌ وتگه‌: سوڵتان عه‌بدولحه‌ميد ناوچه‌يل حه‌ساسيگ له‌ عراق كرده‌سه‌ موڵك خوه‌ى و ئاماژه‌ وه‌ ئه‌وه‌ كردگه‌ ك 104 هه‌زار 807 هكتاريش له‌ كه‌ربه‌لا و 489 هه‌زار و 557 هكتاريش له‌ كازميه‌ موڵكيه‌.

 

جى باسه‌، ئه‌و رووژنامه‌ وتگه‌: سوڵتان عه‌بدولحه‌ميد له‌ ماوه‌ى حوكمى له‌ 1876 و 1909، هه‌وڵ پشتگيرى ده‌سڵاته‌گه‌ى داگه‌ له‌ئاكا هه‌ڵمه‌ته‌يل داگيركارى ئه‌گه‌ركرياێ له‌ ناوچه‌گه‌ له‌وه‌ر وازكردن ده‌رفه‌ت له‌وه‌رده‌م وه‌ موڵككردن رويوه‌ر يه‌ك مليۆن و 827 هه‌زار و 849 هكتار له‌ ناوچه‌گه‌.