هــــه‌واڵ عــیراق
داعش دو كه‌س له‌ خه‌ڵك كه‌ركوك رفان

داعش دو كه‌س له‌ خه‌ڵك كه‌ركوك رفان


شه‌فه‌ق نيوز/ وه‌ڕيه‌وبه‌رايه‌تى ئاسايش كه‌ركوك، باس له‌وه‌ كرد ك چه‌كداره‌يليگ ل ريكخرياگ تيرۆريستى داعش دو هاووڵاتى رفاننه‌.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ وت: ئه‌و چه‌كداره‌يل سه‌ر وه‌ ريكخرياگ داعشه‌ دويه‌شه‌و دو هاووڵاتى له‌ شار ته‌قته‌ق سه‌ر وه‌ پاريزگاگه‌ رفاننه‌.

 

جى باسه‌، وه‌ڕيه‌وبه‌رايه‌تيه‌گه‌ هه‌ميش وت: ئه‌و هه‌ردوگ هاووڵاتيه‌ پيكهاتنه‌ له‌: فه‌همى ساڵح مسته‌فا و سه‌رحان محه‌مه‌د ساڵح ك له‌ناو سه‌ياره‌يگ بارهه‌ڵگر پيكاب ده‌به‌ڵ قه‌ماره‌ى شماره‌ هه‌ولێر بوينه‌.