هــــه‌واڵ عــیراق
به‌ڵگه‌.. يه‌كه‌م وه‌زير له‌ حكومه‌ت عه‌بدولمهدى زمه‌ت دارايى ئاشكرا كرد

به‌ڵگه‌.. يه‌كه‌م وه‌زير له‌ حكومه‌ت عه‌بدولمهدى زمه‌ت دارايى ئاشكرا كرد


شه‌فه‌ق نيوز/ باسم عه‌بدولزه‌مان روبه‌يعى وه‌زير كار و كاروبار كۆمه‌ڵايه‌تى، زمه‌ت دارايى خوه‌ى ئه‌را ده‌سه‌ى ده‌سپاكى / ده‌زگاى ياسايى پيشكه‌ش كرد.

 

په‌رله‌مان عراق له‌ رووژ چوارشه‌ممه‌ى گوزه‌يشت ده‌نگ له‌بان 14 وه‌زير دا له‌ حكومه‌ت تازه‌ى عادل عه‌بدولمهدى و تائيسه‌يش ده‌نگداين له‌بان هه‌يشت وه‌زير تر مه‌ندگه‌.

 

په‌رله‌مان ده‌نگ له‌بان فوئاد حسێن دا ئه‌را وه‌زير دارايى و سامر غه‌زبان ئه‌را نه‌فت و به‌نگين رێكانى ئه‌را ئاوه‌دانكردنه‌وه‌و نيشته‌جيكردن و محه‌مه‌د هاشم ئه‌را بازرگانى و محه‌مه‌د ئه‌لحه‌كيم ئه‌را خارجيه‌و ساڵح حه‌سه‌نى ئه‌را كشتوكاڵ و ئه‌حمه‌د رياز عوبێدى ئه‌را لاوان و عه‌لا عه‌لوانى ئه‌را ته‌ندروسى و عه‌بدوڵى جبورى ئه‌را پيشه‌سازى و باسم روبه‌يعى ئه‌را كار و لوئه‌ى خه‌تيب ئه‌را كاره‌با و جه‌مال عادلى ئه‌را سه‌رچه‌وه‌يل ئاوى و عه‌بدوڵڵا لعێبى ئه‌را جيوازكردن و نه‌عيم روبه‌يعى ئه‌را په‌يوه‌نديه‌يل.