هــــه‌واڵ عــیراق
ليژنه‌ى ياسايى راى له‌باره‌ى ميواندارى غيابى وه‌رپرس ده‌رخست

ليژنه‌ى ياسايى راى له‌باره‌ى ميواندارى غيابى وه‌رپرس ده‌رخست


شه‌فه‌ق نيوز/ ئه‌مين به‌كر ئه‌ندم ليژنه‌ى ياسايى نوێنه‌رايه‌تى باوه‌ڕى ئه‌وه‌سه‌ ك ميواندارى غيابى قورتاربوين گرينگيگه‌ ئه‌را وه‌رده‌وامى ئه‌نجومه‌ن نوێنه‌ره‌يل له‌ ئه‌ركه‌ چه‌وديريه‌گه‌ى له‌ حاڵه‌تيگ ئه‌گه‌ر ئه‌و وه‌رپرسه‌ ئاماده‌ نه‌دێ ك ميواندارى ئه‌كريه‌ێد وه‌بى عوزريگ ره‌وا.

 

به‌كر له‌ باسيگ ئه‌را(شه‌فه‌ق نيوز)وت: ئه‌نجومه‌ن نوێنه‌ره‌يل دانيشتن رووژه‌ په‌نجشه‌ممه‌ ئه‌را ميواندارى سه‌رۆك ده‌سه‌ى ره‌سانن و په‌يوه‌نديه‌يل وه‌ وكاله‌ت تايبه‌ت كرد و ئى ميواندارييشه‌ دو مه‌سه‌له‌ى گرينگ له‌لى كه‌فته‌و، ئه‌ويش ميواندارى غيابى و ميواندارى وه‌كيل، ك جياوازى هوير و ڕاى رويدا له‌باره‌ى تواناى ئه‌نجومه‌ن نوێنه‌ره‌يل له‌ مه‌سه‌له‌ى ميوانداريكردن غيابى له‌ حاڵه‌تيگ ئاماده‌ى ئه‌نجومه‌ن نه‌دێ له‌ واده‌ى دياريكرياگ.

 

جى باسه‌، به‌كر هه‌ميش وت: وه‌ باوه‌ڕم جوور ئه‌نداميگ له‌ ليژنه‌ى ياسايى نوێنه‌رايه‌تى، له‌يوا دوينم ك ده‌ستوور عراقى باس له‌ ئيچنه‌ ميواندارييگ نه‌كردگه‌ ئه‌نجام بدريه‌ێد وه‌بى ئاماده‌ نه‌وين وه‌رپرس له‌وه‌رده‌م ئه‌نجومه‌ن نوێنه‌ره‌يل و باسيش له‌ ميواندارى وه‌كيل نه‌كردگه‌.