هــــه‌واڵ كــوردى
هيزه‌يل كورد ده‌سميه‌تده‌ر به‌غدادى و وه‌رپرس دويه‌م له‌ داعش گرتن

هيزه‌يل كورد ده‌سميه‌تده‌ر به‌غدادى و وه‌رپرس دويه‌م له‌ داعش گرتن


شه‌فه‌ق نيوز/ دوياى ئاشكراكردن وجوود گه‌ورا سه‌ركرده‌يل ريكخرياگ داعش له‌ شار هه‌جين له‌ ريف دێره‌زۆر، هيزه‌يل ديموكرات سوريا تويه‌نستن له‌ كرده‌وه‌يگ هاوبه‌ش هه‌واڵگيرى وه‌ل هاوپه‌يوان ناوده‌وڵه‌تى وه‌رپرس دويه‌م له‌ڕزه‌يل ئه‌و ريكخرياگه‌ ده‌سگير بكه‌ن.

 

هيزه‌يل ديموكرات سوريا ك هاوپه‌يمان له‌ فه‌سيله‌يل كورد و عه‌ره‌ب و له‌لايه‌ن واشنتۆنه‌و له‌ جه‌نگ دژ  وه‌ داعش پشتگيرى ئه‌كريه‌ن، تويه‌نستن ئوسامه‌ ئه‌لعوه‌يد ناسرياگ وه‌ ئه‌بو زه‌يد ده‌سگير بكه‌ن ك يه‌كيگه‌ له‌ ديارترين سه‌ركرده‌يل داعش له‌دوياى به‌غدادى ك خوه‌ى له‌ناو غورفه‌يگ شاردوێده‌و له‌ شار ته‌يانه‌ شوون له‌داڵگبوينى له‌ دێره‌زۆر.

 

جى باسه‌، هووكاره‌يل ره‌سانن نزيك له‌ هيزه‌يل ديموكرات سوريا وتن: ئه‌بو زه‌يد هه‌وڵ ئه‌وه‌ داگه‌ خوه‌ێ بته‌قنێده‌و له‌وه‌ختيگ ده‌سگير كرياگه‌، وه‌لێ هێزه‌يل په‌لامارده‌ر خوه‌يشكه‌گه‌يشى وه‌ليا ده‌سگير كردوين و يه‌يش له‌يوا وه‌پى كردگه‌ پاشگه‌ز بدێ له‌ خوه‌ێ ته‌قاننه‌وه‌و باس له‌وه‌يش كردن ك ئه‌بو زه‌يد زياتر له‌ 80 پارچه‌ى ته‌ڵاو بڕ فريه‌يگ له‌ پويل و 20 ئامێر مۆبايل وه‌پى بويه‌.