هــــه‌واڵ عــیراق
فيشتر له‌ 2700 خيزان ئه‌را ئه‌نبار و سه‌ڵاحه‌دين گله‌و خواردن

فيشتر له‌ 2700 خيزان ئه‌را ئه‌نبار و سه‌ڵاحه‌دين گله‌و خواردن


شه‌فه‌ق نيوز/ وزاره‌ت كووچ و كووچبه‌ره‌يل لق ئه‌نبار ئاشكراى تۆماركردن (1.649) خيزان كووچبه‌ر كرد له‌ ماوه‌ى دو رووژ گوزه‌يشت ئه‌را قه‌زايه‌يل رومادى و فه‌لوجه‌و حه‌ديسه‌، وه‌ل تۆماركردن (1.064)خيزان ئه‌را پاريزگاى سه‌ڵاحه‌دين.

 

له‌ى باوه‌ته‌و، عامر عه‌باس زغه‌ير وه‌ڕيه‌وبه‌ر به‌ش پاريزگايه‌يل ناوڕاس له‌ ده‌زگاى كاروبار لقه‌يل له‌ باسيگ ئه‌را(شه‌فه‌ق نيوز)وت: ناوه‌ند لق وزاره‌ته‌گه‌ له‌ قه‌زاى فه‌لوجه‌ ئه‌را تۆماركردن خيزانه‌يل گله‌وخواردگ تۆمار(683)خيزان كردگه‌و ناوه‌ند قه‌زاى حه‌ديسه‌(806)خيزان گله‌وخواردگ تۆمار كردگه‌، يه‌يش بيجگه‌ گله‌وخواردن(163)خيزان ئه‌را قه‌زاى رومادى.

 

جى باسه‌، زغه‌ير باس له‌وه‌يش كرد ك (1.530)به‌ش له‌ ده‌سميه‌ته‌يل وه‌هاناڕه‌سين له‌بان خيزانه‌يل گله‌وخواردگ ئه‌را قه‌زاى فه‌لوجه‌ دابه‌ش كرياگه‌.