هــــه‌واڵ كــوردى
فراكسيۆن پارتى خوه‌شاڵه‌ وه‌ كاراكردن په‌رله‌مان كوردستان

فراكسيۆن پارتى خوه‌شاڵه‌ وه‌ كاراكردن په‌رله‌مان كوردستان


شه‌فه‌ق نيوز/ فراكسيۆن پارت ديموكرات كوردستان له‌ په‌رله‌مان كوردستان، خوه‌شاڵێ خوه‌ێ ده‌رخست وه‌ هه‌وڵ كاراكردن په‌رله‌مان كوردستان ئه‌را كووتاييهاوردن وه‌ ناكووكيه‌يل سياسى و يه‌كخستن هه‌وڵه‌يل له‌وه‌ر پشتگيرى راپرسێ سه‌روه‌خوه‌يى.

 

فراكسيۆنه‌گه‌ له‌ به‌ياننامه‌يگ ك(شه‌فه‌ق نيوز)ئاگادارێ بوى وت: كوردستان گام نه‌ێد وه‌ره‌و قوناغ نازگيگ و ئه‌را يه‌كه‌مجاريشه‌ ملله‌ت كوردستان له‌مێژوويى رێ وه‌رو ماف بڕيار چاره‌نويس گرته‌سه‌ وه‌ر له‌ڕێ راپرسێ گشتى و يه‌يش خواست مێژوويى ملله‌ته‌گه‌مان و به‌ر خوين شه‌هيده‌يلمان و ئازايه‌تى پێشمه‌رگه‌يل پاڵه‌وانمانه‌.

 

فراكسيۆنه‌گه‌ خوه‌شاڵى خوه‌يشێ ده‌رخست وه‌ گشت هه‌وڵه‌يل كاراكردن په‌رله‌مان و خاسه‌وكردن ناكووكيه‌يل ياسايى و سياسى و داوايش له‌ گشت لايه‌نه‌يل كرد به‌رژه‌وه‌ندى هاووڵاتيه‌يل بخه‌نه‌ وه‌رچه‌و له‌ى ماوه‌ێ كوڵه‌ ك مه‌ندگه‌ له‌ نوامان.

 

جى باسه‌، ئه‌نجومه‌ن باڵاێ راپرسێ له‌ دانيشتنى وه‌ سه‌رۆكايه‌تى مه‌سعود بارزانى سه‌رۆك هه‌رێم كوردستان بڕيار له‌نوو كاراكردن په‌رله‌مان دا ك نزيكه‌ێ دو ساڵه‌ په‌كخرياگه‌ له‌ئاكام ناكووكيه‌يل سياسى، ئه‌ويش له‌ ماوه‌ێ دو هه‌فته‌.