هــــه‌واڵ كــوردى
دوياى وسيان هه‌فت مانگ.. "قه‌ته‌رى" گه‌شته‌يلێ ئه‌را كوردستان ده‌سوه‌پيكرد

دوياى وسيان هه‌فت مانگ.. "قه‌ته‌رى" گه‌شته‌يلێ ئه‌را كوردستان ده‌سوه‌پيكرد


شه‌فه‌ق نيوز/ هێڵه‌يل ئاسمانى قه‌ته‌رى، ئاشكراى ده‌سوه‌پيكردن گه‌شته‌يلى كرد ئه‌را هه‌ردوگ پاريزگاى هه‌ولێر و سلێمانى له‌ هه‌رێم كوردستان، ئه‌ويش دوياى نزيكه‌ى هه‌فت مانگ له‌ وسيانى.

 

قه‌ته‌رى له‌ به‌ياننامه‌يگى ئاشكراى ده‌سوه‌پيكردن گه‌شته‌يلى كرد، ك هه‌فتانه‌ هه‌فت گه‌شت ئه‌را هه‌ر لايگ ئه‌نجام ئه‌ياد، ئه‌ويش له‌ سه‌ره‌تاى ئايار/ مايۆ ئاينده‌.

 

جى باسه‌، له‌ى باوه‌تيشه‌و ئه‌كبه‌ر ئه‌لباكر سه‌رۆك جيوه‌جيكار كۆمه‌ڵه‌ هێڵه‌يل ئاسمانى قه‌ته‌رى له‌ به‌ياننامه‌يگ وت: هه‌ولێر و سلێمانى دو لايه‌ن گرنگن له‌ باوه‌ڕمان‌ له‌ عراق و خوه‌شاڵيم ئاشكراى ده‌سوه‌پيكردن گه‌شته‌يلمان بكه‌يم ئه‌را ئه‌و هه‌ردوگ لايه‌نه‌‌ له‌ عراق.