هــــه‌واڵ عــیراق
هاوپه‌يمانى سه‌در په‌يام سه‌ردانه‌گه‌ێ رۆحانى ئه‌را عراق ئاشكرا ئه‌كا

هاوپه‌يمانى سه‌در په‌يام سه‌ردانه‌گه‌ێ رۆحانى ئه‌را عراق ئاشكرا ئه‌كا


شه‌فه‌ق نيوز/ هاوپه‌يمانى سائيرون ك له‌لايه‌ن موقته‌دا سه‌در سه‌ركرده‌ى ره‌وت سه‌درى پشتگيرى ئه‌كريه‌ێد، په‌يام سه‌ردانه‌گه‌ى حه‌سه‌ن رۆحانى سه‌رۆك كۆمار ئيران ئه‌را عراق ئاشكرا كرد.

 

له‌و باوه‌ته‌و، به‌در زيادى ئه‌ندام هاوپه‌يمانيه‌گه‌ ئه‌را شه‌فه‌ق نيوز وت: سه‌ردانه‌گه‌ێ حه‌سه‌ن رۆحانى سه‌رۆك كۆمار ئيران ئه‌را عراق ديد سياسى و ئه‌منى و ئابوورێ ديرێد و ئيمه‌يش له‌و په‌يوه‌نديه‌ ئاگاداريم ك عراق وه‌ ئيرانه‌و په‌يوه‌س كردگه‌ ئه‌را ماوه‌يگ دريژه‌.

 

زيادى هه‌ميش وت: سه‌ردانه‌گه‌ى رۆحانى په‌ياميگيشه‌ ئه‌را هيزه‌يل ئه‌مريكى و ئه‌مريكا وه‌ ئه‌وه‌گ ئيران وه‌رده‌وامه‌ له‌ په‌يوه‌نديه‌يلى وه‌ل عراق ك هه‌رچه‌نى وه‌ بارودوخ سه‌ختيگيش گوزه‌ر ئه‌كا و جه‌ختيش له‌وه‌ كرد ده‌وڵه‌ته‌يل فريه‌يگ ئه‌خوازن ناكووكى له‌ناونى عراق و ئيران دروس بكه‌ن، وه‌لێ ئه‌و په‌يوه‌نديه‌ خاسه‌و له‌بان بنه‌ماى دروسيگ بنيات نرياگه‌.