هــــه‌واڵ عــیراق
به‌سره‌ چه‌وه‌رێ گه‌وراترين خوه‌ينيشانداين ئه‌كا

به‌سره‌ چه‌وه‌رێ گه‌وراترين خوه‌ينيشانداين ئه‌كا


شه‌فه‌ق نيوز/ ليژنه‌يل ريكخه‌ر له‌ پاريزگاى به‌سره‌‌ له‌ باشوور عراق، ئاشكراى كووتاييهاتن له‌ ئاماده‌كاريه‌يل كرد ئه‌را سازكردن گه‌وراترين خوه‌ينيشانداين و مانگرتن له‌ناو پاريزگاگه‌ له‌ رووژه‌يل جومعه‌و يه‌كشه‌ممه‌ له‌وه‌ر خراوى بار گوزران و خزمه‌تگوزارى.

 

ئه‌و ليژنه‌يل ريكخه‌ره‌ له‌ به‌ياننامه‌يگ ك شه‌فه‌ق نيوز ئاگاداريان بوێ، وتن: هه‌ردوگ حكومه‌ت ناوه‌ندى و ناوچه‌يى قه‌وڵ خوه‌يان وه‌جى ناوردنه‌ وه‌رانوه‌ر ئه‌و داواكاريه‌يله‌ ك زويتر ته‌سليم وه‌ ليژنه‌يل ريكخه‌ر كريانه.

 

جى باسه‌، هه‌مان ليژنه‌يل جه‌ختيش له‌وه‌ كردن ك ئاست داواكاريه‌يل زياتره‌و بوينه‌و داواكاريه‌يل ره‌سينه‌سه‌ دژ پرووسه‌ى سياسى وه‌گشتى و له‌وانه‌يش داواكارى ئه‌را لاوردن ده‌ستوور و حزبه‌يل بيجگه‌ داواكاريه‌يل تر ك زويتر خريانه‌ڕوێ.‌