هــــه‌واڵ عــیراق
باڵيۆز ئه‌مريكا بڕيگ يادگارى باسكرد و عراق هيشته‌جێ

باڵيۆز ئه‌مريكا بڕيگ يادگارى باسكرد و عراق هيشته‌جێ


شه‌فه‌ق نيوز/ دۆگلاس سيليمان باڵيۆز ئه‌مريكا له‌ عراق بڕيگ تێبينى له‌ نامه‌يگ پيشكه‌ش كرد جوور كووتاييهاتن ئه‌ركه‌يلى له‌ عراق.

 

باڵيۆز ئه‌مريكا له‌ نامه‌گه‌ى ئه‌را روينويسيگى كه‌فته‌ لاى شه‌فه‌ق نيوز وت: جى شه‌ره‌ف و سوپاسگوزارى بوێ ئه‌رام جوور باڵيۆز وڵاته‌يل يه‌كگرتگ ئه‌مريا له‌ عراق له‌ ماوه‌ى دوساڵ و نيم گوزه‌يشت و ئه‌را كاره‌يليكان له‌بان پته‌وكردن په‌يوه‌نديه‌يل ئابوورى و ئه‌منى و رووشنهويرى له‌ناونى ده‌وڵه‌ته‌يلمان و باس له‌وه‌يش كرد ك ئه‌مريكاو نوێنه‌رايه‌تيه‌يلى له‌ به‌غداو هه‌ولێر وه‌ هيزه‌و پشتگيرى له‌ عراق و سه‌روه‌ريه‌گه‌ى و ديموكراسيه‌گه‌ى ئه‌كه‌ن و هه‌رێم كوردستانيش سه‌قامگيره‌و به‌شيگه‌ له‌ ده‌وڵه‌ت عراقى.

 

باڵيۆز ئه‌مريكا وت: عراق هيلمه‌جێ و بڕيگ يادگاريه‌يل جوان له‌و ناوچه‌يليه‌ ك سه‌ردانيان كردمه‌ وه‌ل خوه‌ما ئه‌وه‌م ك خوه‌م و كاسرين هاوسه‌رم له‌ هه‌ر شوونيگ له‌و شوونه‌يله‌ يادگارى ديريم و خوه‌شاڵيم وه‌ سه‌خاوه‌ت مه‌ردمه‌گه‌ى و سه‌ردان باخ وبوشانه‌يل خورما له‌ به‌سره‌ كرديم وچيمنه‌ ماڵ ئبراهيم له‌ شار ئوور له‌ ناسريه‌و چيمنه‌ زه‌لگاوه‌يل له‌ باشوور و له‌ جبايش و چيمنه‌ بابل و سه‌ردان نه‌خوه‌شخانه‌ى فه‌لوجه‌ كرديم و له‌ كه‌باب بازاڕه‌يل هه‌ولێر خوارديم و وتاريگ له‌ زانكۆى ئه‌مريكى له‌ عراق - سلێمانى پيشكه‌ش كردم و مه‌زارگه‌ى ناحوم له‌ قوش كردمه‌ سه‌ر و فه‌خز ئه‌كه‌م هه‌ميشه‌ وه‌ ئه‌زموون و دوسيه‌يل له‌ى وڵات فراوان و جوانه‌.