هــــه‌واڵ كــوردى
پياوه‌يل ئايينى له‌ هه‌رێم كوردستان خوه‌ينيشانداين دژ كوشتن موسڵمانه‌يل مانيمار ئه‌نجام دان

پياوه‌يل ئايينى له‌ هه‌رێم كوردستان خوه‌ينيشانداين دژ كوشتن موسڵمانه‌يل مانيمار ئه‌نجام دان


شه‌فه‌ق نيوز/ ده‌يان كه‌س له‌ پياوه‌يل ئايينى له‌ هه‌ولێر پايته‌خت هه‌رێم كوردستان له‌ خوه‌ينيشانداينيگ ناڕه‌زايه‌تى خوه‌يان ه‌رخستن دژ ئه‌و زوڵم كوشتن و ده‌ركردنه‌ ك هاته‌سه‌ تويش موسڵمانه‌يل رۆهينغا له‌ مانيمار.

 

له‌ى باوه‌ته‌و، پياوه‌يل ئايننى به‌ياننامه‌يگ ده‌ركردن و له‌تى وتن: جى داخه‌ ئيمه‌ هايمنه‌ سه‌ده‌ێ 21 و ئيچنه‌ كاره‌ساتيگ دڕندانه‌ روێ ئه‌ياد و‌ موسڵمانه‌يل رۆهينغا وه‌بى تاوان ئه‌كوشيه‌ن و له‌  هه‌مان وه‌خت داوايش له‌ كۆمه‌ڵگاێ ناوده‌وڵه‌تييش كردن هه‌ڵويست جددێ داشتوود دژ ئى روێداگه‌يله‌ له‌ مانيمار.

 

جى باسه‌، پياويگ ئايينى وت: وه‌ تونى ئى كرده‌وه‌يله‌ ره‌ته‌و ئه‌كه‌يم و ئاماژه‌ وه‌يه‌يش كرد ك ملله‌ت كوردستان دژ هه‌ر كرده‌وه‌يگ تاوانكارانه‌س دژ ئنسانيه‌ت.