هــــه‌واڵ عــیراق
حزبيگ عراقى داوا له‌ ئه‌مريكا كرد مقه‌يه‌تى له‌ كورد و سنى بكا

حزبيگ عراقى داوا له‌ ئه‌مريكا كرد مقه‌يه‌تى له‌ كورد و سنى بكا


شه‌فه‌ق نيوز/ مسال ئالوسى سه‌رۆك و دامه‌زرنه‌ر حزب ئومه‌ى عراقى، داوا له‌ وڵاته‌يل يه‌كگرتگ ئه‌مريكى كرد مقه‌يه‌تى له‌ ناوچه‌يل سنى و كوردستانى بكا له‌ هه‌يه‌نه‌ت ئيرانى و پيشنياريگيش پيشكه‌ش كرد له‌وه‌ر دامه‌زرانن لويله‌يگ تازه‌ى نه‌فت له‌ڕێ به‌نده‌ر عه‌قه‌به‌ له‌ ئوردن ئه‌را ئسرائيل و له‌ورايشه‌و ئه‌را ئۆرپاو جه‌هان.

 

ئالوسى له‌ وته‌يگى له‌ سيميناريگ له‌باره‌ى بارودوخ خوه‌رهه‌ڵات ناوين و ئه‌فريقيا له‌ واشنتۆن، وت: عراق وه‌ خاڵ ئاڵشتكاريه‌و گوزه‌ر ئه‌كاو هه‌ر وه‌و خاتريشه‌ بايه‌سه‌ بڕياريگ بدريه‌ێد ئه‌را ئه‌و بارودوخه‌ يا ئه‌وه‌سه‌ بدێده‌ هاوپه‌يمان ئه‌مريكا يا خوه‌ى ته‌سليم وه‌ ئيران بكا.

 

ئالوسى داوايش له‌ ئه‌مريكا كرد متمانه‌ى سنييش له‌ عراق وه‌ده‌س بارێد و هه‌رێم كوردستان و ناوچه‌يل سنييش له‌ هه‌يمه‌نه‌ى ئيرانى دويره‌و بخاو هاوپه‌مانيگ سێلايه‌نى له‌ناونى ئه‌مريكاو ناوچه‌يل ئه‌و هه‌ردوگ پيكهاته‌ دروس بكريه‌ێد و له‌باره‌ى نه‌فتيش وت: ئه‌تويه‌نيم لويله‌يگ نه‌ف له‌ به‌نده‌ر عه‌قه‌به‌ى ئوردنه‌و ئه‌را به‌نده‌ر حه‌يفاى ئسرائيلى بكيشيم و به‌رهه‌م نه‌فت و هه‌ناردنه‌ى نه‌فت عراقيش له‌ 4 مليۆن به‌رميل رووژانه‌و به‌رزه‌و بكه‌يم ئه‌را 8 مليۆن به‌رميل رووژانه‌.