هــــه‌واڵ عــیراق
عه‌شاير عه‌ره‌ب خوه‌شاڵن وه‌ بڵاوبوينه‌وه‌ى هيزه‌يل ئه‌مريكى له‌ ره‌بيعه‌ تا قائم

عه‌شاير عه‌ره‌ب خوه‌شاڵن وه‌ بڵاوبوينه‌وه‌ى هيزه‌يل ئه‌مريكى له‌ ره‌بيعه‌ تا قائم


شه‌فه‌ق نيوز/ مزاحم ئه‌لحوێت قسه‌كه‌ر وه‌ناو عه‌شاير عه‌ره‌ب له‌ ناوچه‌يل كيشه‌ له‌سه‌ر، خوه‌شاڵێ خوه‌ى ده‌رخست وه‌ بڵاوبوينه‌وه‌ى هيزه‌يل ئه‌مريكى له‌ قه‌زاى ره‌بيعه‌ و شه‌نگاڵ و جه‌خت له‌وه‌يش كرد له‌بان مه‌يل مه‌ردم گشت پيكهاته‌يل هاتنه‌و داوايش له‌و هيزه‌يله‌ كردنه‌ ميليشيايه‌يل حه‌شد شه‌عبى و ريكخرياگ ترۆريستى داعش له‌و ناوچه‌يله‌ قاو بيه‌ن.

 

ئه‌لحوێت ئه‌را شه‌فه‌ق نيوز وت: ئيمه‌ جوور عه‌شاير خوه‌شاڵێم وه‌ بڵاوبوينه‌وه‌ى هيزه‌يل ئه‌مريكى له‌بان خه‌ت مه‌رزێ له‌ ناحيه‌ێ ره‌بيعه‌و شه‌نگاڵ تا قه‌زاى قائم سه‌ر وه‌ پاريزگاى ئه‌نبار وه‌ل  سوريا.

 

جى باسه‌، ئه‌لحوێت هه‌ميش وت: بڵاوينه‌وه‌ى ئى هيزه‌يل ئه‌مريكيه‌ يه‌كيگ بويه‌ له‌ داواكاريه‌يلمان ك ئيمه‌ زويتر پيشكه‌شى كرديمنه‌سه‌ حكومه‌ت ئه‌مريكى و يه‌يش گاميگ گرنگ و ده‌سكه‌فت گه‌ورايگه‌ ئه‌رامان و له‌ى ڕييه‌و ده‌سميه‌ته‌يل ئيرانى ئه‌را ميليشيايه‌يل حه‌شد شه‌عبێ ئه‌وڕيه‌ێد و هاتن ريكخرياگ داعشيش ئه‌را ناو خاكه‌يل عراقى و ناوچه‌يل كيشه‌ له‌سه‌ر كوتايى وه‌پى ئه‌ياد.