هــــه‌واڵ عــیراق
پاريزگار نه‌ينه‌وا ڕى به‌رته‌ڵه‌ - به‌عشيقه‌ وه‌ خه‌رج ملياريگ و 700 مليۆن واز كرد

پاريزگار نه‌ينه‌وا ڕى به‌رته‌ڵه‌ - به‌عشيقه‌ وه‌ خه‌رج ملياريگ و 700 مليۆن واز كرد


شه‌فه‌ق نيوز/ نه‌وفه‌ل حه‌مادى ئه‌لسوڵتان پاريزگار نه‌ينه‌وا رێ ناونى هه‌ردوگ ناحيه‌ێ به‌رته‌ڵه‌ و به‌عشيقه‌ له‌ خوه‌رهه‌ڵات موسڵ واز كرد وه‌ خه‌رج يه‌ك مليار 700 مليۆن دينار عراقى.

 

له‌ى باوه‌تيشه‌و، عه‌بدولقادر ده‌خيل وه‌ڕيه‌وبه‌ر شاره‌وانيه‌يل ئه‌را(شه‌فه‌ق نيوز)وت: ئى پرووژه‌ له‌لايه‌ن كادره‌يل ده‌زگاێ شاره‌وانى جيوه‌جى كرياگه‌ وه‌ ماوه‌ێ 48 رووژ ئه‌را قيرتاوكردن ك رويوه‌رگه‌ێ وه‌ 10 كم مه‌زه‌نه‌ ئه‌كريه‌ێد.

 

جى باسه‌، ده‌خيل هه‌ميش وت: ئى كاره‌ داناين نيشانه‌يل هاتوچوويش و تاسه‌يل ده‌سكرديش ئه‌را ئاسانكردن سه‌ياره‌يل گرته‌سه‌ خوه‌ێ.