هــــه‌واڵ عــیراق
كه‌نه‌دا هه‌وڵ سه‌قامگيريكردن عراق ئه‌ياد

كه‌نه‌دا هه‌وڵ سه‌قامگيريكردن عراق ئه‌ياد


شه‌فه‌ق نيوز/ حكومه‌ت كه‌نه‌دا بڕ 2.2 مليۆن تر دۆلار ئه‌مريكى به‌خشيه‌ دامه‌زرياگ ده‌سميه‌تداين ئه‌را سه‌قامگيركردن ده‌سوه‌جى (FFIS) سەر بە  UNDP، ك كاركردن ئى دامه‌زرياگه‌ پيكهاتگه‌ له‌ ده‌سميه‌تداين گورج و ده‌سوه‌جى ناوچه‌يل ئازادكرياگ له‌ژير ده‌سڵات ريكخرياگ ترۆريستى داعش.

 

له‌ى باوه‌ته‌و، لیز گراندێ نوێنەر نشینگەیی UNDP لە عراق، وت: ئيمه‌ وه‌ گورجى هه‌وڵ ده‌سميه‌تداين سه‌قامگيركردن به‌ش خوه‌رهه‌ڵات موسڵ و به‌شه‌يل ئازادكرياگ تر نه‌ينه‌وا ئه‌يه‌يم و نزيكه‌ى فيشتر له‌ 200 پرووژه‌ى ئه‌وله‌ويه‌ت به‌رز هانه‌ ڕييه‌وه‌و پيشبينى يه‌يش ئه‌كه‌يم پرووژه‌ى زياتريش وه‌ى نزيكه‌يله‌ ده‌س وه‌پى بكا.

 

جى باسه‌، كه‌نه‌دا تائيسه‌ بڕ 6.3 مليۆن دۆلار ئه‌مريكى به‌خشاگه‌، يه‌يش وه‌شيوه‌يگ گورج ده‌سميه‌تده‌ره‌ له‌ خاسه‌وكردن ژيرخان ئابوورى گشتى و دابينكردن به‌خشينه‌يش ئه‌را كار بويچگ و به‌رزه‌وكردن ئاست توانايى حكومه‌ت ناوچه‌يى و په‌ره‌داين وه‌ به‌شداربوين مه‌ده‌نى و ئاشتيگه‌رى كۆمه‌ڵايه‌تى.