هــــه‌واڵ كــوردى
ده‌خيل: ده‌سپيشخه‌رى مه‌سعود بارزانى ئه‌را كوتاييهاوردن وه‌ ده‌خاڵه‌ت توركى گونجياگتره‌

ده‌خيل: ده‌سپيشخه‌رى مه‌سعود بارزانى ئه‌را كوتاييهاوردن وه‌ ده‌خاڵه‌ت توركى گونجياگتره‌


شه‌فه‌ق نيوز/ ڤيان ده‌خيل ئه‌ندام ئه‌نجومه‌ن نوێنه‌ره‌يل عراقى له‌بان هاوپه‌يمان كوردستانى، داواى گرنگيداين وه‌ ده‌سپيشخه‌ريه‌گه‌ى ئى دوياخر مه‌سعود بارزانى سه‌رۆك پارت ديموكرات كوردستانه‌ كرد و جوور چاره‌سه‌ر گونجياگتر تاريفى كرد ئه‌را كوتاييهاوردن وه‌ هه‌ڕه‌شه‌و ده‌خاڵه‌ت سه‌ربازى توركى له‌ عراق.

 

ده‌خيل ئه‌را شه‌فه‌ق نيوز وت: ده‌سپيشخه‌رى ناوجيوانى له‌ناونى پارت كارگه‌ره‌يل كوردستان و توركيا ك له‌لايه‌ن بارزانيه‌و پيشكه‌ش كريا گرنگه‌ له‌بان هه‌ردوگ ئاست هه‌رێمى و ناوده‌وڵه‌تى ئه‌را چاره‌سه‌ر ئى قه‌يرانه‌و دويره‌وخستن ناوچه‌گه‌ له‌ كاره‌سات جه‌نگ و ده‌خاڵه‌ت سه‌ربازى توركى و شكانن سه‌روه‌رى عراقى و گرتنه‌ئامانج مه‌ده‌نيه‌يل.

 

جى باسه‌، ده‌خيل هه‌ميش وت: هه‌رچه‌نى پارت كارگه‌ره‌يل ئعلان خوه‌يكيشانه‌وه‌ كردگه‌ له‌ شه‌نگاڵ، وه‌لێ هيمان توركيا هه‌ڕه‌شه‌ وه‌ ده‌خاڵه‌ت سه‌ربازى ئه‌كاو يه‌يش وه‌دوير نازانيم و توركيا مه‌هانه‌ ئه‌يه‌رێده‌ كار ئه‌را په‌لامارداين وه‌تايبه‌ت وه‌ل مه‌ندن شماره‌يگ له‌ چه‌كداره‌يل په‌كه‌كه‌ له‌ شه‌نگاڵ ك مه‌ندنيان تائيسه‌ جى نگه‌رانى وه‌رده‌واميگه‌.