شه‌فه‌ق نيوز/ وه‌زاره‌ت پێشمه‌رگه‌ له‌ حكومه‌ت هه‌رێم كوردستان ئاشكراكردنيگ دا له‌باه‌رى ئه‌و هه‌واڵه‌يله‌ ك باس له‌ كلكردن دو فه‌وج له‌ هێزه‌يل پێشمه‌رگه‌ ئه‌را فه‌لوجه‌و خورماتوو كرديان.

وه‌زاره‌ته‌گه‌ وت: ئيمه‌ جوور وه‌زاره‌ت پێشمه‌رگه‌ ئى هه‌واڵه‌يله‌ ئه‌خه‌يمنه‌ دروو و جه‌خت له‌وه‌ ئه‌كه‌يم هويچ فه‌وجيگ له‌ هيزه‌يل پێشمه‌رگه‌ جموجويل نه‌كردگه‌و هويچ بڕياريگيش له‌و باوه‌ته‌و نيه‌.

وه‌زاره‌ته‌گه‌ هه‌ميش وت: گشت هيزه‌يل پێشمه‌رگه‌ له‌ باره‌گايه‌يل خوه‌يان وجوود ديرن له‌ به‌ره‌يل سه‌ره‌كى وه‌رگرى و ئيچنه‌ هه‌واڵه‌يليگيش ئه‌را كلكردنيان وه‌ره‌و ئه‌و فه‌لوجه‌و خورماتوو راس نيه‌و هه‌ر هه‌واڵيگيش له‌ لايه‌نيگ تره‌و ده‌ربچێد نافه‌رميه‌و هويچ بنه‌مايگ نه‌يرێد.